რა ხდება: შსს-მ, ალექსანდრე ჭავჭავაძის ქუჩაზე მომხდარი მკვლელობის საქმეზე, 2 პირი დააკავა.

  • ერთ მათგანს — 33 წლის კაცს ბრალად ედება ჯგუფურად ჩადენილი განზრახ მკვლელობა და ცეცხლსასროლი იარაღის უკანონო შეძენა-შენახვა-ტარება. ეს დანაშაული 20 წლამდე, ან უვადო თავისუფლების აღკვეთას ითვალისწინებს;
  • მეორეს კი — 41 წლის კაცს, ცრუ ინფორმაციის მიწოდებას ედავებიან.

დეტალები: გამოძიებით დადგინდა, რომ

18 თებერვალს, ღამის საათებში, 33 წლის კაცს თბილისში მდებარე ერთ-ერთ კაფე-ბარში შელაპარაკება მოუვიდა მეგობართან.

  • კაცმა მას, მოგვიანებით, მანქანით მიაკითხა ალექსანდრე ჭავჭავაძის ქუჩაზე, ანგარიშსწორების მიზნით ცეცხლსასროლი იარაღით სასიკვდილო ჭრილობები მიაყენა და ადგილიდან მიიმალა.
  • სროლას შეესწრო ბრალდებულისა და მოკლულის საერთო მეგობარიც, რომელმაც, გამოკითხვის დროს, პოლიციას ცრუ ინფორმაცია მიაწოდა.
  • მკვლელობაში ბრალდებულთან ერთად, ისიც დაკავებულია.
  • დანაშაულში მონაწილე სხვა პირების დადგენა-დაკავების მიზნით, ტარდება შესაბამისი ოპერატიული და საგამოძიებო მოქმედებები.