მიუხედავად იმისა, რომ სულ ცოტა ხნის წინ დენიელ კრეიგმა დაადასტურა, შემდეგი ჯეიმს ბონდიც მე ვიქნებიო, ამას კრის ჰემსვორტისთვის ხელი არ შეუშლია, ზემოთხსენებულ პერსონაჟთან დაკავშირებით საკუთარი სურვილები გამოეთქვა.

Thor-ის ვარსკვლავი ამბობს, რომ ვერავინ ვერ იქნება ისეთი ჭკვიანი, სექსუალური და მაგარი ჯეიმს ბონდი, როგორიც შარლიზ ტერონი.

"ჯანდაბას ყველა და ყველაფერი, მინდა შემდეგი ჯეიმს ბონდი შარლიზ ტერონი იყოს, მასზე უკეთეს ვერავის ნახავენ", ამბობს ჰემსვორტი.

შეგახსენებთ, ცოტა ხნის წინ, BBC-მ დაადასტურა ინფორმაცია, რომ პირველად ისტორიაში Doctor Who-ს როლს ქალი მსახიობი ითამაშებს, შესაბამისად დიდი შანსია, რომ ერთ დღესაც შარლიზ ტერონი აგენტი 007 გახდეს.