რა ხდება: გუშინ, 11 თებერვალს, თბილისში, ახალგაზრდა კაცი მოკლეს. მკლვლელობა ავლაბარში მოხდა. შინაგან საქმეთა სამინისტრო აცხადებს, რომ ცხელ კვალზე დააკავეს ორი პირი. უწყების თანახმად, ბრალდებულები წარსულში ნასამართლევი ორი ძმაა.

დეტალები: მკვლელობას წინ უძღოდა ფიზიკური ძალადობა მსხვერპლზე, შემდეგ კი ის სანადირო თოფიდან გასრილით მოკლეს და შემთხვევის ადგილიდან მიიმალნენ,

  • პოლიციამ დანაშაულის ჩადენის იარაღი — გადაჭრილი სანადირო თოფი, ნივთმტკიცებად ამოიღო.
  • დამამძიმებელ გარემოებაში, ჯგუფურად ჩადენილი განზრახ მკვლელობისა და ცეცხლსასროლი იარაღის ჯგუფურად, უკანონო შეძენა-შენახვა-ტარების ფაქტებზე, გამოძიება სისხლის სამართლის კოდექსის 109-ე მუხლის "ი" ქვეპუნქტითა და სსკ-ის 236-ე მუხლის მე-6 ნაწილის "ა" ქვეპუნქტით მიმდინარეობს.

ბოლო ხაზი: დანაშაული 20 წლამდე პატიმრობას, ან უვადო თავისუფლების აღკვეთას ითვალისწინებს.