მოკლედ: საქართველოს მესამე პრეზიდენტი მიხეილ სააკაშვილი თავის წერილში წერს, რომ ირაკლი კობახიძის პრემიერ-მინისტრად დანიშვნა, ბიძინა ივანიშვილის მხრიდან ქართველი ხალხის დაცინვის მორიგი აქტია.

დეტალები: "ამ ბანდის ერთადერთი მიზანი ბიძინას შემდგომი გამდიდრება და ხელისუფლების განმტკიცებაა. მათ ხალხის ბედი საერთოდ არ ანაღვლებთ", — წერს სააკაშვილი. მისი თქმით

  • მაგიდის გარშემო სკამების კარუსელი საერთოდ არაფერს ცვლის რიგითი ქართველისთვის, რადგან
  • დედები ისევ გააგრძელებენ უთანასწორო ბრძოლას შვილებისთვის ლუკმის მოსაპოვებლად და სტუდენტები თავიანთი პროფესიით ისევ ვერ დასაქმდებიან;
  • "ბებიების და ბაბუებისთვის ერთადერთ გულის გამახარებელ ფაქტად დარჩება საერთაშორისო ზარები უცხოეთში გადახვეწილი შვილებისგან და შვილიშვილებისგან", — წერს მიხეილ სააკაშვილი.

ბოლო ხაზი: გუშინ, 29 იანვარს, საქართველოს პრემიერ-მინისტრი, ირაკლი ღარიბაშვილი გადადგა. სახელისუფლებო არხის იმედის მიხედვით, ირაკლი ღარიბაშვილს ამ პოზიციაზე პარტიის თავმჯდომარე, ირაკლი კობახიძე შეცვლის.

  • პოლიტსაბჭო ახალ პრემიერ-მინისტრს ოფიციალურად 1-ელ თებერვალს წარადგენს.

მსგავსი: ღარიბაშვილის გადადგომით მინისტრთა კაბინეტის უფლებამოსილებაც შეწყდა — რას ამბობს კანონი