თელავის სახელმწიფო უნივერსიტეტის ბაზაზე, 1 ჰექტარ მიწის ნაკვეთზე, ვენახი გაშენდება, რომელშიც წარმოდგენილი იქნება კახური ვაზის ჯიშები, აგრეთვე ინტროდიცირებული სასუფრე ვაზის ჯიშები. პროექტს საქართველოს პრეზიდენტის სარეზერვო ფონდი აფინანსებს.

პრეზიდენტის ადმინისტრაციის უფროსის, გიორგი აბაშიშვილის, ინფორმაციით, საცდელ მეურნეობაში ძირითადად დასაქმდებიან აგრარულ მეცნიერებათა ფაკულტეტის სტუდენტები და იგი გახდება სასწავლო-სამეცნიერო კვლევის ობიექტი, რომელშიც სტუდენტები ვაზის განვითარების სრულ ციკლს და მასთან დაკავშირებულ აგროტექნიკურ ღონისძიებებს შეისწავლიან.

ფოტო: პრეზიდენტის პრესსამსახური

აბაშიშივილი კახეთში ასევე ეწვია ყვარლის რაიონის სოფელ თივს, სადაც შემოდგომაზე, პროექტ ინტერნეტი ყველა სოფლის ბიბლიოთეკას ფარგლებში, ახალი, თანამედროვე, ბიბლიოთეკა მოეწყობა.

ბიბლიოთეკა საშუალებას მისცემს სოფლის მცხოვრებლებს ისარგებლონ ინტერნეტით. პრეზიდენრის პრესსამსახურის ინფორმაციით, აღნიშნულ სოფელში მოსახლეობას ინტერნეტზე წვდომა აქამდე არ ჰქონდა.

ფოტო: პრეზიდენტის პრესსამსახური