ფილმის Anyone but You შემოსავალმა $100 მილიონს გადააჭარბა. ის 2016 წელს გამოსული Bridget Jones' Baby-ის შემდეგ რომანტიკულ კომედიებს შორის საუკეთესოდ დასახელდა.

შემქმნელები ფილმის ასეთ წარმატებას არ ელოდნენ, რადგან გამოსვლიდან პირველ კვირაში მისმა შემოსავალმა მხოლოდ $6 მილიონს მიაღწია. შეიძლება, ამის მიზეზი ისიც იყო, რომ პრემიერა ახალი წლის კვირაში შედგა და კინოში ამ დროს ნაკლები ადამიანი დადიოდა.

ფილმში მთავარ როლებს ეიფორიის ვარსკვლავი სიდნი სვინი და მსახიობი გლენ პოველი თამაშობენ. ფილმის წარმატების ერთ-ერთი მიზეზიც სწორედ მათი წყვილია. Anyone but You სოციალურ ქსელში მსახიობების საერთო ინტერვიუების გამო ცნობილი მალევე გახდა.

///

მართალია, ფილმი ავსტრალიაში გადაიღეს, თუმცა თავდაპირველად მან წარმატებას აშშ-ში მიაღწია, თანდათან კი პოპულარობა მსოფლიოს მასშტაბით მოიპოვა. ფილმის მთავარი საუნდტრეკი 2004 წელს გამოსული ცნობილი სიმღერა Unwritten-ია, რომელიც პრემიერის შემდეგ კი საზოგადოებამ თავიდან აიტაცა.

Anyone but You-ში მოქმედება ორი მთავარი გმირის გარშემო ვითარდება, რომელთა როლებსაც სიდნი და გლენი ასრულებენ. წყვილს წარსულში რომანტიკული ურთიერთობა აკავშირებდა, ამჯერად კი ერთმანეთს შემთხვევით სიდნის დისა და გლენის საუკეთესო მეგობრის ქორწილში ხვდებიან. მათი ურთიერთობაც ხელახლა სწორედ აქედან იწყება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...