დღეს გასიმოვას, ხატაის რაიონულ სასამართლოში, ბაქოში, 2 თვითა და 17 დღით პატიმრობა შეეფარდა.

გასიმოვა შაბათს დააკავეს, მას შემდეგ, რაც ჟურნალისტი აბზასმედიას მიმდინარე სასამართლო საქმეზე მოწმის სახით დაიბარეს.

დღეს, სასამართლოში მიყვანისას, გასიმოვას ხელბორკილები ედო. მას თან ახლდა ადვოკატი ბაჰრუზ ბაირამოვი, რომელმაც კონტრაბანდის ბრალდებას "უსაფუძვლო და აბსურდული" უწოდა.

"[გასიმოვამ] თქვა, რომ ის დაპატიმრებას ელოდა; მას მიაჩნია, რომ ეს დაკავება მის ჟურნალისტურ საქმიანობას უკავშირდება”, — განაცხადა ბაირამოვმა. "გასიმოვას მიაჩნია, რომ ბრალდება არის უსაფუძვლო და აბსურდული, რომ ეს მუხლი გამოიყენება ჟურნალისტების დასაკავებლად".

მსგავსი: აზერბაიჯანში დაკავებული ჟურნალისტების ოჯახის წევრებს პენსიები და დახმარებები გაუყინეს

ნოემბრის ბოლოდან, აზერბაიჯანის პოლიციამ დააკავა და ბრალი წაუყენა აბზასმედიას ხუთ წევრს, ჯგუფის მიერ უცხოური ვალუტის კონტრაბანდის ბრალდებით. დაკავებულთა შორის არიან დირექტორი და დამფუძნებელი ულვი ჰასანლი, მთავარი რედაქტორი სევინჯ ვაგიფგიზი, დირექტორის მოადგილე მაჰამედ კეკალოვი და ჟურნალისტები ჰაფიზ ბაბალი და ნარგიზ აბსალამოვა.

აბზასმედია ცნობილია თავისი საგამოძიებო სიუჟეტებით, მათ შორის, ალიევების ოჯახის საქმიანი ურთიერთობების შესახებ, ასევე, სავარაუდო კორუფციაზე, მთიანი ყარაბაღის რეკონსტრუქციის პროცესში 2020 წლიდან.

რეპრესიები დაწყების შემდეგ, პოლიციამ, ასევე, დააკავა სხვა პირები, რომლებიც დამოუკიდებელ მედიასთან არიან კავშირში.

ილჰამიზ გულიევი, უფლებადამცველი და ყოფილი პოლიციელი, რომელმაც აბზასმედიასთან ანონიმურად ისაუბრა იმის შესახებ, რომ პოლიციელები ეჭვმიტანილებს ნარკოტიკს თავად უდებენ, დეკემბრის დასაწყისში დააკავეს. მას ბრალი დიდი რაოდენობით მეტამფეტამინის ქონაში წაუყენეს.

ნოემბერსა და დეკემბერში დააკავეს ორი ონლაინ ტელეარხის, Kanal 13-ისა და Kanal 11-ის დამფუძნებლებიც. პირველს ბრალად ედებოდა სახლის უნებართვოდ აშენება, მეორეს კი — გამოძალვა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.