რა ხდება: საქართველოდან 2023 წელს გერმანიაში თავშესაფარი ითხოვა 9 399-მა ადამიანმა, მათგან 8 414-მა — პირველად.

დაკმაყოფილდა ქართველების განაცხადების მხოლოდ 0,3%, ინფორმაციას, გერმანიის მიგრაციის და ლტოლვილთა ფედერალურ უწყებაზე დაყრდნობით,რადიო თავისუფლება ავრცელებს.

დეტალები: უწყების მიერ 8 იანვარს გამოქვეყნებული მონაცემებით, 2023 წელს თავშესაფრის მაძიებლებისგან მიიღეს 351 915 განაცხადი, რაც წინა წელთან შედარებით 51,1%-ით მეტია.

  • სტატისტიკის თანახმად, 329 120-მა განმცხადებელმა თავშესაფარი პირველად ითხოვა, 22 795-მა კი - ქვეყანაში ყოფნის ვადის გაგრძელება.
  • გერმანიაში თავშესაფრის მთხოვნელთა შორის პირველ ადგილზე არიან მიგრანტები სირიიდან(104 561). მას მოსდევენ თურქეთი (62 624), ავღანეთი(53 582), ერაყი(12 360) და ირანი(10 206).
  • საქართველო, 9 399 თავშესაფრის მსურველით, მეექვსე ადგილზეა.
  • გერმანიის მიგრაციის და ლტოლვილთა ფედერალურმა უწყებამ გამოაქვეყნა 2023 წლის ბოლო სამი თვის სტატისტიკაც, რომლის მიხედვით საქართველოდან თავშესაფრის მთხოვნელთა რიცხვი იკლებდა. 2023 წლის ოქტომბერში თავშესაფარი ითხოვა 448 ადამიანმა, ნოემბერში 417-მა და დეკემბერში - 351-მა.
  • 2023 წელს გერმანიამ საქართველო უსაფრთხო ქვეყნად გამოაცხადა, რაც გაუადვილებს თავშესაფარზე უარის შემდეგ საქართველოს მოქალაქეების დეპორტაციას.