შინაგან საქმეთა სამინისტროს ინფორმაციით, ოპერატიულ-სამძემბრო სამუშაოების შედეგად სამართალდამცავებმა 1989 წელს დაბადებული ლევან ბ. ქინძმარაული ქუჩაზე მომხდარი განზრახ მკვლელობის ბრალდებით თბილისში დააკავეს.

უწყების ცნობით, გამოძიების შედეგად გაირკვა, რომ ბრალდებული ალკოჰოლის ზემოქმედების ქვეშ იმყოფებოდა, როდესაც თბილისში, ისანი-სამგორის რაიონში, ქინძმარაულის ქუჩაზე, ურთიერთშელაპარაკებისას 1972 წელს დაბადებულ იგორ ნ.-ს სხეულზე ცივი იარაღით მრავლობითი ჭრილობა მიაყენა და მიიმალა. იგორ ნ. ადგილზევე გარდაიცვალა.

შსს-ს ინფორმაციით, სამართალდამცველებმა ბრალდებული ცხელ კვალზე, მომხდარიდან რამდენიმე წუთში დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.

გამოძიება სისხლის სამართლის კოდექსის 108 მუხლით დაიწყო, რაც განზრახ მკვლელობას გულისხმობს და ისჯება თავისუფლების აღკვეთით ვადით შვიდიდან თხუთმეტ წლამდე.