გავრცელებული ინფორმაციის თანახმად, WBD-მა კომპანია A24-თან მრავალწლიანი კონტრაქტის გაფორმების შესახებ განცხადება გააკეთა, რაც ნიშნავს იმას, რომ A24-ის ფილმები ექსკლუზიურად Warner Bros. Discovery-ის პლატფორმებზე იქნება ხელმისაწვდომი. როგორც ცნობილია, WBD-ის მომხმარებლებს A24-ის 100-ზე მეტ ფილზე ექნებათ წვდომა.

აღსანიშნავია, რომ ამ ამბებმა კომპანიის აქციების ზრდას შეუწყო ხელი, რაც რიცხვებშიც გამოისახა. 2023 წლის დასაწყისთან შედარებით კომპანიის აქციების ღირებულება 21,2%-ით არის გაზრდილი და ამჟამად მისი ერთი აქცია 11,41 დოლარად ივაჭრება.

მიმდინარე წელს WBD-ის აქციების ზრდა იანვრიდან დაიწყო და პიკს თებერვლის ბოლოს მიაღწია. ამასთან, ბოლო 52 კვირაში კომპანიის აქციების მაქსიმალური მაჩვენებელი 16,34 დოლარზე დაფიქსირდა. არსებული მდგომარეობით, WBD-ის საბაზრო კაპიტალიზაცია 28 მილიარდი დოლარია.

კომპანიის აღმასრულებელმა ვიცე-პრეზიდენტმა, როის ბეტლმენმა თქვა, რომ A24-თან თანამშრომლობის გაგრძელება "HBO-სა და Max-ის განაცხადს წარმოუდგენელ ღირებულებას მიანიჭებს".

არსებული ინფორმაციით, კომპანიებს შორის დადებული შეთანხმების ხანგრძლივობა არ გახმაურებულა. ამასთან, უცნობია, როგორი ფინანსური პირობებით გაფორმდა ხელშეკრულება.

ცნობისთვის: Warner Bros. Discovery გლობალური მედია და გასართობი სერვისის მიმწოდებელი კომპანიაა. მისი საქმიანობა მხატვრული ფილმების წარმოებას, სატელევიზიო პროგრამების ლიცენზირებასა და ეგრეთ წოდებულ სტრიმინგ სერვისებს მოიცავს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში 31 დეკემბრამდე აქციაა — საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.