რა ხდება: საქართველოს პრეზიდენტი გეგმავს, ხვალ შეუერთდეს ზეიმს, რომელიც პრემიერ-მინისტრმა დააანონსა.

  • სალომე ზურაბიშვილი მოუწოდებს საზოგადოებას, ღონისძიებას ყველა შეუერთდეს.

დეტალები: პრეზიდენტის თქმით, ეს იქნება საქართველოს ზეიმი და მზად არის "ყველაფერში მიიღოს მონაწილეობა".

"პრემიერმა გამოაცხადა, რომ ხვალ იქნება სახალხო ზეიმი. მე ვუერთდები ამ ზეიმს, თქვენც უნდა შემოუერთდეთ. ყველა ერთად უნდა ვიდგეთ ხვალ, იმიტომ ეს იქნება საქართველოს ზეიმი და მზად ვარ, ყველაფერში მივიღო მონაწილეობა. თუ ტრიბუნაზე მიმიწვევენ, კარგი, თუ არა ხალხში ვიქნები. ერთად ვიზეიმებთ ხვალინდელ დღეს, რომელიც არაა უკანასკნელი დღე. ამით იწყება საქართველოს მომავალი, დიდებული მომავალი, ევროპული მომავალი და ამას გილოცავთ ყველას“, — თქვა ზურაბიშვილმა.

ბოლო ხაზი: პრემიერ-მინისტრმა ხვალ, 17 საათზე, თავისუფლების მოედანზე სახალხო ზეიმი დააანონსა.

  • მთავრობა გეგმავს, საქართველოსთვის ევროკავშირის კანდიდატის სტატუსის მინიჭება მოსახლეობასთან ერთად აღნიშნოს.