დღეს, 13 ივლისს, დილით, მცხეთაში მატარებელი ქალს დაეჯახა. როგორც შინაგან საქმეთა სამინისტროში გვითხრეს, ქვეითი გადარჩა და ამ დროისთვის საავადმყოფოშია გადაყვანილი.

გამოძიება სისხლის სამართლის კოდექსის 275-ე მუხლით მიმდინარეობს, რაც გულისხმობს რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას.

საქართველოს რკინიგზაში აცხადებენ, რომ აუცილებელია მოქალაქეებმა დაიცვან მოძრაობის წესები, გაუფრთხილდნენ საკუთარ ჯანმრთელობას და არ გადავიდნენ ლიანდაგებზე.