ნასას იუნონას ზონდმა იუპიტერის დიდი წითელი ლაქის პირველი ფოტოები გადმოაგზავნა.

ორშაბათს, იუნონა დიდ წითელ ლაქასთან 9000 კილომეტრ სიმაღლეზე გადაფრინდა - 1,6 მილიონი კილომეტრით ახლოს, ვიდრე იუპიტერის გარშემო მფრინავი სხვა ნებისმიერი ზონდი.

დიდი წითელი ლაქა მასიური შტორმია, რომელიც ორი დედამიწის სიგანისაა. ის პლანეტაზე 350 წელია, არ შეწყვეტილა.

იუნონამ ახალი ფოტოები აირის გიგანტ პლანეტასთან მეშვიდე ჩაფრენისას გადაიღო. მისი სიჩქარე 210 000 კმ/სთ-ია, რის გამოც ძალიან ძნელია ახლო ხედიდან ფოტოების გადაღება.

თითოეული ჩაფრენის შემდეგ, ნასა JunoCam-ის მიერ გადაღებულ ნედლ ფოტოებს საზოგადოებისთვის ხელმისაწვდომს ხდის, ხოლო ისინი თავის მხრივ ამუშავებენ და უფრო საოცარ ფოტოებად აქცევენ.

ქვემოთ მოცემული დიდი წითელი ლაქის ფოტოები ცხელ-ცხელია. ზოგიერთი კი წინა ჩაფრენისას გადაღებულია.

„ეს მონუმენტური შტორმი მზის სისტემის ყველაზე დიდ პლანეტაზე საუკუნეებია, გრძელდება“ - სკოტ ბოლტონი, იუნონას მისიის ლიდერი.

ფოტო: NASA-JPL/SwRI/MSSS/Roman Tkachenko (CC BY)

უახლოეს წერტილში ყოფნისას, იუნონა იმდენად ახლოს იყო იუპიტერის დიდ წითელ ლაქასთან, რომ მან მთლიანად ერთ კადრში ვერ ჩაატია. ქვემოთა სურათზე ნაჩვენებია დაახლოებითი კუთხე, რომლითაც JunoCam-ს ამ წერტილის დანახვა შეეძლო.

ფოტო: NASA; Microsoft/WorldWide Telescope; Business Insider

დიდი წითელი ლაქა უპრეცედენტო დეტალებში

ფოტო: NASA-JPL/SwRI/MSSS/Ted Stryk

ეს საოცარი 3D გამოსახულება აჩვენებს შტორმის ღრუბლების ფენების სიღრმეს. დიდ წითელ ლაქაში არსებული ქარების სიჩქარე 650 კმ/სთ-ს უტოლდება.

ფოტო: NASA-JPL/SwRI/MSSS/Carlos N. Jiménez (CC BY)

„ეს არ იქნება ერთადერთი შემოფრენა დიდი წითელი ლაქის გარშემო, თუმცა, ეს ყველაზე ახლო წერტილში მისვლა იყო“ - კანდის ჰენსენი, Planetary Science Institute-დან.

ფოტო: NASA-JPL/SwRI/MSSS/Gerald Eichstädt/Seán Doran

ამ კომპოზიტურ სურათზე გამოსახულია ვოიაჯერ 1-ის მიერ გადაღებული იუპიტერის დიდი წითელი ლაქა 1979 წელს და იუნონას მიერ გადაღებული, 2017 წლის ივნისში.

ფოტო: NASA-JPL/SwRI/MSSS/Santiago Vargas Domínguez

ეს კი იუპიტერის „მარგალიტების სიმის“ შტორმის ღრუბლის ნაწილია. სურათი 2017 წლის 27 მარტსაა გადაღებული.

ფოტო: NASA/JPL-Caltech/SwRI/MSSS/Kevin M. Gill/Flickr (CC BY 2.0)

იუნონამ იუპიტერის უფრო შორეული ფოტოებიც გადაიღო. პლანეტის სამხრეთ პოლუსის ეს საოცარი ხედი 19 მაისსაა გადაღებული, შემდეგ კი ეს ფოტო ორმა „სამოქალაქო მეცნიერმა“ დაამუშავა.

ფოტო: NASA/JPL/MSSS/Gerald Eichstädt/Justin Cowart (CC BY 3.0)

იუპიტერის პოლუსის ხედი მაღლიდან, რომელიც 51 200 კილომეტრიდანაა გადაღებული. თითოეული შტორმის სიგანე 960 კილომეტრია. შედარებისთვის, ტეხასის შტატი 1264 კილომეტრი სიგანისაა.

ფოტო: NASA/JPL-Caltech/SwRI/MSSS/Betsy Asher Hall/Gervasio Robles