„ჩემი უკანასკნელი ჩაფრენა იუპიტერთან დასრულდა!“ - ამბობს @NASAJuno ტვიტერზე.

„მონაცემების შესაგროვებლად ყველა სამეცნიერო ინსტრუმენტი და JunoCam მუშაობდა“.

უპილოტო ხომალდი, არსებობის მანძილზე, ყველაზე ახლოს მივიდა მზის სისტემის ერთ-ერთ გამორჩეულ პლანეტასთან - აირის გიგანტ იუპიტერთან.

ექსპერტების თქმით, დიდი წითელი ლაქა უზარმაზარი შტორმია - დაახლოებით 16 ათასი კილომეტრის სიგანის - რომელიც საუკუნეების განმავლობაში გრძელდება, თუმცა რა ძალა ამოძრავებს მას, უცნობია.

წითელ ლაქას 1830 წლიდან აკვირდებიან და სავარაუდოდ მანამდე კიდევ 350 წელი არსებობდა.

როგორც დაკვირვებები აჩვენებს, შტორმი ბოლო ხანებში მცირდება.

„ნედლი სურათები მომდევნო რამდენიმე დღეში დაიპოსტება“, ამბობს ნასა.

„იუნონა“ 2011 წლის 5 აგვისტოს კანევერალის კონცხიდან გაუშვეს და იუპიტერს გარშემო სულ რაღაც ერთი წელია მოძრაობს.