ალბათ დაგვეთანხმები, რომ საოცნებო ნივთის პოვნა, მერე მასზე ფასდაკლების აღმოჩენა და ყიდვა ერთი დიდი სიამოვნებაა. თუმცა, შესაძლოა, ოდესმე გიფიქრია, რომ აჯობებდა, ერთიანად დახარჯვის ნაცვლად, თანხა გაგეყო და რამდენიმე თვეზე გადაგენაწილებინა ან, სულაც, დეკემბრის დასაწყისშივე აღმოგიჩენია, რომ ცოტა ხნის წინ Black Friday-ის "გრანდიოზული ფასდაკლებით" სარგებლობის მიუხედავად, მოახლოებული წინასაახალწლო სამზადისისთვის მეტი თანხა უნდა გადაგენახა.

საბედნიეროდ, უკვე დიდი ხანია, არსებობს მოსახერხებელი და კომფორტული პროდუქტი — თიბისი განაწილება, რომელიც შესაძლებლობას გაძლევს, ნივთის საფასური ოთხ ტოლ ნაწილად გაყო და ოთხი თვის განმავლობაში დაფარო, მაგრამ რა ხდება იმ შემთხვევაში, თუ Black Friday-ის სასიამოვნო "ცდუნებას" აჰყევი, ნივთი ერთიანად შეიძინე და მოგვიანებით აღმოაჩინე, რომ შენი ბიუჯეტი თვის ბოლომდე ალბათ აღარ გეყოფა? — ამ შემთხვევიდან გამოსავალიც უკვე არსებობს!

თიბისი განაწილებას ახალი, ინოვაციური ფუნქციონალი დაემატა, რომელიც საშუალებას გაძლევს, დაიბრუნო ნივთში გადახდილი საფასური და ოთხ თვეზე გადაანაწილო.

როგორ ვისარგებლოთ ახალი ფუნქციონალით?

თანხის დაბრუნება ისეთივე მარტივია, როგორც თიბისი განაწილებით სარგებლობა. ამისთვის სულ რამდენიმე ნაბიჯი უნდა გაიარო ციფრულ ბანკში:

• დაიმტკიცო განაწილების ლიმიტი;
• განხორციელებული ტრანზაქციებიდან შეარჩიო ის ტრანზაქცია, რომლის დაბრუნებაც გსურს და დააჭირო ღილაკს "ტრანზაქციის განაწილება";
• წესების გაცნობისა და დათანხმების შემდეგ, თანხა ანგარიშზე დაგიბრუნდება და მის განაწილებას 4 თვეზე შეძლებ.

მნიშვნელოვანია, რომ ტრანზაქციის გადახდიდან არ უნდა იყოს გასული 14 დღეზე მეტი.

რა უპირატესობები აქვს თანხის დაბრუნებასა და განაწილებას?

შოპინგის გამოცდილება ახლა კიდევ უფრო სასიამოვნოა.
განაწილების ახალი ფუნქციონალით:

მოიპოვებ მეტ ფინანსურ თავისუფლებას: ამიერიდან შეგიძლია დაემშვიდობო სტრესს ან სინანულს, რომელიც, შესაძლოა, დიდი ან სულაც — მცირე თანხის ერთიანად გადახდას მოსდევს ხოლმე. თანხის დაბრუნებითა და მისი განაწილებით, შენ უკვე შეგიძლია, ადვილად მართო ტრანზაქცია და ის ბიუჯეტთან მეგობრულ ოთხთვიან შენატანად აქციო.

იშოპინგებ უფრო თავდაჯერებულად: ერთხელ მაინც ყველას დაგვიხარჯავს ფული იმპულსურად. ამიტომ თუ მოგვიანებით აღმოაჩენ, რომ შეძენილი ნივთის საფასური შენს ბიუჯეტს არ შეესაბამება, მაინც გაქვს მოქნილობისა და უკეთესი გადაწყვეტილების მიღების შესაძლებლობა.

შეძლებ ეფექტიან ბიუჯეტირებას: ამიერიდან უკეთ აკონტროლებ საკუთარ ფინანსებს და ტრანზაქციას ადვილად დასაფარ ნაწილებად ყოფ. შესაბამისად, უსიამოვნო სიურპრიზებისგან თავს იზღვევ და მშვიდად გეგმავ მომავალ თვეებში მოსალოდნელ დანახარჯებს.

რა უნდა ვიცოდეთ კიდევ?

თანხის დაბრუნების შემთხვევაშიც, როგორც სხვა დროს, თიბისი განაწილებით სარგებლობისას, პროდუქტის საფასური ოთხ ტოლ ნაწილად იყოფა და ოთხი თვის განმავლობაში, ფიქსირებულ დროს ანგარიშიდან იჭრება. ჯამში კი 100-დან 5000 ლარამდე თანხის მომენტალურად დაბრუნებაა შესაძლებელი. რაც შეეხება დამატებით ხარჯებს, საკომისიოებსა და საპროცენტო განაკვეთებს:

• წინსწრების საკომისიო — 0%-ია;
• გაცემის საკომისიო — 0%;
• თვიური საპროცენტო განაკვეთი — 1%.
• ეფექტური საპროცენტო განაკვეთი — 21.44%.

რაც იმას ნიშნავს, რომ, მაგალითად, 100-ლარიანი ტრანზაქციის განაწილების შემთხვევაში, თვეში 26 - 26 ლარს, ჯამში — 104 ლარს გადაიხდი.

სულ ეს არის — ჩვენ უკვე გაგანდეთ Black Friday-ზე დახარჯული თანხის უკან დაბრუნების "საიდუმლო". ამიერიდან კი შეგიძლია უფრო თავდაჯერებულად იშოპინგო, რადგან გეცოდინება, რომ ფინანსური მოქნილობის მისაღწევად და ბიუჯეტის ჭკვიანურად გადანაწილებისთვის შენივე მობილურში სულ რამდენიმე ღილაკზე თითის დაჭერა იქნება საჭირო. ასე რომ, გადმოდე ყიდვა, გადადე გადახდა და გაიმარტივე ცხოვრება თიბისი განაწილებით.

P.S. თიბისი განაწილების ახალი ფუნქციონალით სარგებლობა შესაძლებელია როგორც პარტნიორ, ისე არაპარტნიორ მაღაზიებში განხორციელებულ ტრანზაქციებზე. მათ შორის შესაძლებელია საერთაშორისო ონლაინ მაღაზიებიდან გამოწერილი ნივთის საფასურის უკან დაბრუნებაც, თუ თანხა ლარშია ჩამოჭრილი.