ვრცელდება ვიდეო, სადაც ჩანს, რომ პოლიცია 12 წლის ბიჭს სცემს ჩრდილოეთ აზირბაიჯანში. ადგილობრივების ინფორმაციით, ბავშვი, მისი მამა და ბიძა, ინციდენტის შემდეგ დაიჭირეს.

კადრები სოციალურ მედიაში კვირას გავრცელდა. პოლიციელები 12 წლის დენიზ აღაევს და მის მამას, სახავატ აღაევს გაბალას რაიონში, სოფელ ვანდამში თავს ესხმიან.

ვიდეოში ჩანს, როგორ ურტყამს მიწაზე დავარდნილ დენიზ აღაევს უნიფორმაში ჩაცმული პოლიციელი, შემდეგ კი საყელოთი ქაჩავს და მიათრევს პოლიციის მანქანამდე, სადაც ჩანს, რომ სხვა პოლიციელი თავს ესხმის სახავათ აღაევს.

პოლიციამ მოგვიანებით გაავრცელა განცხადება, რომელშიც ნათქვამია, რომ ისინი ცდილობდნენ დაეკავებინათ სახავათ აღაევი, რომელიც მანქანას არაფხიზელ მდგომარეობაში მართავდა და "საჯარო სივრცეში სახიფათო სიტუაცია შექმნა".

"დაკავებისას მისმა ახლო ნათესავებმა და მასთან ერთად მყოფმა არასრულწლოვანმა წინააღმდეგობა გაუწიეს პოლიციელებს, ცდილობდნენ ქვებით დაეზიანებინათ პოლიციელი და მისი სამსახურებრივი მანქანა“, - ნათქვამია განცხადებაში.

სოფლის ერთ-ერთმა მცხოვრებმა "მეიდან TV-ს" განუცხადა, რომ აღაევების ოჯახი დენიზის მე-12-ე დაბადების დღეს აღნიშნავდა, დაპირისპირება კი სახვათ აღაევსა და პოლიციას შორის მას შემდეგ დაიწყო, რაც სამართალდამცველებმა მას მოუწოდეს, არ ეხმაურათ.

"როდესაც პოლიციელებმა სცადეს მამის გაყვანა, ბავშვმა ტირილი დაიწყო. პოლიციამ კაცის ცემა ბავშვის თვალწინ დაიწყეს", — ამბობენ ადგილობრივები — "შემდეგ ბავშვმა ქვები ესროლა პოლიციას. ერთ-ერთი ოფიცერი მოვიდა, დააგდო მიწაზე დენიზი და ძლიერად დაარტყა".

ანონიმურმა წყარომ, ასევე, დაამატა, რომ პოლიციამ სახავატ აღაევი, მისი ძმა ელდენიზი და დენიზი დააკავა. ბავშვი იმავე ღამეს გაათავისუფლეს.

შინაგან საქმეთა სამინისტრომ განაცხადა, რომ მათ დაადგინეს პოლიციელის ვინაობა, რომელმაც სცემა დენიზ აღაევს და ის სამსახურიდან "უფლებამოსილების გადამეტებისთვის" გაათავისუფლეს.

მათ, ასევე, აღნიშნეს, რომ მომხდარზე ორი პირი დააკავეს, სავარაუდოდ, სახავატ და ელდენიზ აღაევები.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.