რა ხდება: პროკურატურამ ბრალი წაუყენა პირს, რომელმაც 29 ნოემბერს მამის კუთვნილ როტვეილერის ჯიშის ძაღლზე იძალადა, შემდეგ კი მერვე სართულის აივნიდან გადააგდო.

  • შედეგად ძაღლი მოკვდა.

დეტალები: ბრალდებული გუშინ დააკავეს. მას ბრალი წარუდგინეს მუხლით, რომელიც ითვალისწინებს ცხოველისადმი სასტიკ მოპყრობას და სხვაგვარ ძალადობას, რამაც მისი სიკვდილი გამოიწვია.

  • პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს.