ახალ წელთან ერთად ყოველწლიური Secret Santa-ს ტრადიციაც მოგვიახლოვდა. თუ შენ და შენმა თანამშრომლებმა თამაში უკვე დაიწყეთ, თუმცა ისეთი ადამიანი შეგხვდა, რომელზეც თითქმის არაფერი იცი, შენს დასახმარებლად მოვედით.

თუ საჩუქარზე ფიქრით ჯერ კიდევ თავს იმტვრევ და წარმოდგენა არ გაქვს, შენს თანამშრომელს რით გაახარებ, ამ სტატიაში 10 საჩუქრის იდეას შემოგთავაზებთ, რომელიც ყველასთვის სანატრელ სანტად გაქცევს.

1. ვარდისფერი მშრალი ღვინო კენკრის არომატით

ახალი წელი საყოველთაო ზეიმთან და დროის ძვირფას ადამიანებთან გატარებასთან ასოცირდება, საყვარელი სასმელი კი ამ მხიარულების განუყოფელი ნაწილია. ისეთი თანამშრომლის პოვნა გაგიჭირდება, რომელსაც კარგი ღვინით ვერ გაახარებ, ამიტომ, თუ კვლავ ყოყმანობ, Mouton Cadet-ის ვარდისფერი მშრალი ღვინო მხსნელად მოგევლინება.

ფასი: 43 ₾ / დეტალურად ნახვა

2. სამაგიდო თამაში Avalon

ალბათ, ყველას გვყავს ისეთი თანამშრომელი, რომელსაც სამაგიდო თამაშები განსაკუთრებულად უყვარს და მათ ხსენებაზე მზადაა, ყველა საქმე გვერდით გადადოს. სამაგიდო თამაში Avalon არამხოლოდ იმაში დაგეხმარება, რომ საუკეთესო სანტად იქცე, არამედ თანამშრომლებსაც უკეთ გაგაცნობს და შემდეგ წელს, როცა Secret Santa-ში რომელიმე მათგანის სახელს დაინახავ, იმავე გამოწვევის წინაშე აღარ აღმოჩნდები.

ფასი: 69 ₾ / დეტალურად ნახვა

3. თვალის ჩრდილების პალიტრა

შესაძლოა, შენს თანამშრომელზე ბევრი რამ არ იცოდე, თუმცა ზოგჯერ მისი გარეგნობაც ბევრისმთქმელია. იმისთვის, რომ გაიგო, შენი ადრესატი მაკიაჟის მოყვარულია თუ არა, სოციალურ ქსელში მათი ერთხელ დასტალკვაც გეყოფა და თუ ასე აღმოჩნდება, ფერად, ბრჭყვიალა თვალის ჩრდილებზე უკეთეს საახალწლო საჩუქარს ვერ იპოვი.

ფასი: 41,49 ₾ / დეტალურად ნახვა

4. კისრის გასაბერი ბალიში მსოფლიო რუკის გამოსახულებით

ყველა ოფისში მოიძებნება ერთი ისეთი თანამშრომელი, რომელიც სულ გზაშია. თვალს დაახამხამებ და უკვე სხვა ქვეყნიდან გიქნევს ხელს ან ჩემოდანს ალაგებს, იმის გარკვევა კი გიჭირს, როცა შენ საქმეებში იძირები, ის ყველაფრის მოსწრებასთან ერთად მოგზაურობასაც როგორ ახერხებს. ასეთი ადამიანისთვის სამგზავრო ბალიში მისწრებაა, იქნებ, თვითმფრინავში მაინც გამოიძინოს.

ფასი: 50 ₾ / დეტალურად ნახვა

5. ლეპტოპის ჩასადები

თუ თავად ისეთი ადამიანი ხარ, რომელიც პრაქტიკულ საჩუქრებს ყველაზე მეტად აფასებს ან ფიქრობ, რომ სჯობს, თანამშრომელს ისეთი რამ შეურჩიო, რომელსაც ყოველდღიურად გამოიყენებს, ლეპტოპის ჩასადები კარგი გამოსავალია. დღეს უმეტესად ადამიანები ოფისში თავიანთი ლეპტოპებით დადიან და თუ შეამჩნევ, რომ შენი ადრესატიც ასე იქცევა, ჩანთის განახლება სულაც არ აწყენს.

ფასი: 49 ₾ / დეტალურად ნახვა

6. ლანჩის ჩანთა

შენს სამსახურშიც იქნებიან ადამიანები, რომლებიც მუდმივად სახლიდან წამოღებული საჭმლით დადიან და თავს ეუბნები, რომ ორშაბათიდან შენც მათ მიბაძავ. შენს ადრესატს ლანჩის ჩანთა იმ შემთხვევაშიც გამოადგება, თუ თავადაც სახლიდან წამოღებული საჭმლის ტარება ურჩევნია და მაშინაც, თუ ამ ჩვევის გამომუშავებისთვის მოტივაცია სჭირდება.

ფასი: 94,90 ₾ / დეტალურად ნახვა

7. აქსესუარების სათავსო

ადამიანების კარგად გასაცნობად მათზე ყოველდღიური დაკვირვება კიდევ ერთი შესანიშნავი მეთოდია — შესაძლოა, შენი ადრესატი ყოველდღიურად ბეჭდებს, სამაჯურებს, საათებსა თუ ყელსაბამებს ატარებდეს, რაც საქმეს გაგიმარტივებს. აქსესუარების სათავსო მათ ნივთების ორგანიზებაში დაეხმარება, შენ კი შესანიშნავ საიდუმლო სანტად გაქცევს.

ფასი: 69 ₾ / დეტალურად ნახვა

8. ტილოს ბლოკნოტი კარლო კაჭარავას "კაფკას" გამოსახულებით

მართალია, ახალმა ტექნოლოგიებმა საკანცელარიო ნივთები ჩაანაცვლა, თუმცა ადამიანების დიდმა ნაწილმა ბლოკნოტების სიყვარული მაინც ვერ მოიშალა, ამიტომ ტილოს ორიგინალური ბლოკნოტით შენს ადრესატს ახალი წლის დღეებს გაულამაზებ და თავსაც ადვილად დაამახსოვრებ.

ფასი: 38 ₾ / დეტალურად ნახვა

9. წვერის მოვლის ნაკრები

ისეთი თანამშრომელიც გეყოლება, რომელიც თავის წვერს შვილივით უფრთხილდება და ამაზე დაუსრულებლად ლაპარაკიც შეუძლია. მისთვის წვერის მოვლის ნაკრები ზედგამოჭრილია, ამაზე მეტი რაღა უნდა ინატროს? შენ კი საუკეთესო სანტის წოდება გარანტირებული გექნება.

ფასი: 76,50 ₾ / დეტალურად ნახვა

10. საკუთარი მუსიკალური ყუთი

ახალი წელი კრეატიულობისა და განსხვავებული რამის ცდისთვის სწორედ რომ შესაფერისი დროა — Kikkerland-ის მუსიკალური ყუთი იმ ნივთებისგან, რომელიც აქამდე გინახავს, იმით განსხვავდება, რომ მასზე ნოტების დატანა თავად შეგიძლია, ხოლო როცა მუსიკალურ ყუთს დაატრიალებ, ის სწორედ შენს შექმნილ მელოდიას დაუკრავს. მელომანების სამოთხე არც შენს ადრესატს დატოვებს გულგრილს.

ფასი: 100 ₾ / დეტალურად ნახვა

თუ ამ სტატიაში მითითებული ბმულებიდან რომელიმე ნივთს იყიდით, ჩვენ, შესაძლოა, პარტნიორი მაღაზიისგან მცირე საკომისიო მივიღოთ. მსგავსი პარტნიორობა არ გულისხმობს ჩვენს სარედაქციო საქმიანობაში ჩარევას და გვეხმარება, დავაფინანსოთ დამოუკიდებელი მედიის საქმიანობა.