როგორ დავადეპოზიტო და გავიტანო თანხა კრიპტო ბირჟიდან სწრაფად და მომგებიანად ნებისმიერ დროს?
![](http://joey.on.ge/2023/11/29/depoziti-on.ge.jpg)
როგორ შეიძლება ანგარიშზე თანხის შეტანა & გატანა?
კრიპტოვალუტებით ვაჭრობისას მნიშვნელოვანია სისწრაფე და ნაკლები გადასახადები. შესაბამისად, ყველა მომხმარებლისთვის საინტერესო საკითხია, თუ როგორ შეიძლება ანგარიშზე თანხის შეტანა & გატანა მომენტალურად და თანაც, რაც შეიძლება ნაკლები საკომისიოების გადახდით.
თუ ეს საკითხი შენც გაინტერესეს, მაშინ ამ სტატიაში მოგიყვებით როგორ შეძლებ საკუთარ კრიპტალის ანგარიშზე აქტივების შეტანა & გატანას საბანკო გადარიცხვისა (Wire Transfer) და Visa/Mastercard ბარათების გამოყენებით, რა პლიუსები აქვს თითოეულ მეთოდს, რა საკომისიოები ახლავს თან და რომელია შენზე მორგებული გზა.
თანხის შეტანა & გატანა საბანკო გადარიცხვით (Wire Transfer)
შენი კრიპტალის ბალანსის შევსებისთვის ან თანხის გატანისთვის ერთ-ერთი გზა საბანკო გადარიცხვის, ანუ Wire Transfer-ის გამოყენებაა.
საბანკო გადარიცხვის გამოყენებით კრიპტალზე ხელმისაწვდომია TBC Bank-ისა და Bank of Georgia-ს სერვისი.
რა პლიუსები აქვს საბანკო გადარიცხვას?
— ბალანსის შევსება საკომისიოების გარეშე
თუკი კრიპტალის ანგარიშზე თანხის შეტანას საბანკო გადარიცხვით გადაწყვეტ, არანაირი საკომისიოს გადახდა არ მოგიწევს, შენს მიერ შეტანილი თანხა სრულად დაჯდება ბალანსზე ყოველგვარი ზედმეტი გადასახადის გარეშე.
ეს ეხება როგორც ლარში, ასევე ა.შ.შ დოლარსა და ევროში განხორციელებულ დეპოზიტებს.
— ულიმიტო რაოდენობის დეპოზიტი
Wire Transfer-ის გამოყენების კიდევ ერთი გამორჩეული პლიუსი არის ის, რომ ამ მეთოდით განხორციელებული დეპოზიტები სრულიად ულიმიტოა. არ აქვს მნიშვნელობა რა რაოდენობის თანხა შეგაქვს ანგარიშზე - ერთი ლარი თუ მილიონი ლარი.
ანგარიშიდან თანხის გატანა კი, ოდნავ განსხვავებულია. სასურველ ბანკში საბანკო გადარიცხვის გამოყენებით მინიმალური გატანა 100 ერთეულს შეადგენს, როგორც ლარში, ასევე დოლარსა და ევროში.
— სისწრაფე
საბანკო გადარიცხვით განხორციელებული შენატანები და გატანები სამუშაო დროებში სწრაფად, რამოდენიმე წუთში აისახება, როგორც შენს კრიპტალის, ისე საბანკო ანგარიშზე.
რა მინუსები აქვს საბანკო გადარიცხვას?
— სამუშაო საათები (შაბათ-კვირა, დღესასწაულები და დასვენებები)
გაითვალისწინე, თუ საბანკო გადარიცხვის გამოყენებას გადაწყვეტ თანხის შეტანა & გატანისთვის, ბანკის სამუშაო დროს უნდა მოერგო.
შენი დადეპოზიტებული ან გატანილი თანხა შეიძლება გარკვეული დროით დაყოვნდეს, როგორც არა-სამუშაო საათების, ასევე შაბათ-კვირისა და დღესასწაულების განმავლობაში.
თანხის შეტანა & გატანა Visa/Mastercard ბარათების გამოყენებით
კრიპტალზე აქტივების შეტანისა და გატანის კიდევ ერთი საშუალება საბანკო ბარათების გამოყენებაა, რა დროსაც მომხმარებელს საქართველოში წამყვანი ბანკების, TBC-სა და Bank of Georgia-ს ნებისმიერ Visa/Mastercard ბარათებზე აქვს წვდომა.
რა პლიუსები აქვს Visa/Mastercard?
— მომენტალური ასახვა
კრიპტოს ყიდვა & გაყიდვა დროში შეზღუდული საქმიანობა არ არის და დღე-ღამის ნებისმიერ მონაკვეთში შეიძლება დაგჭირდეს რომელიმე აქტივის შეძენისათვის ბალანსის შევსება ან სულაც კრიპტალიდან თანხის განაღდება.
Visa/Mastercard-ის პლიუსიც სწორედ ეს არის, შენი თანხა, როგორც დეპოზიტი, ასევე გატანა, მომენტალურად, ყოველგვარი დაყოვნების გარეშე ისახება, არ აქვს მნიშვნელობა დილის ექვსი საათია, შაბათ-კვირა თუ რომელიმე დღესასწაული.
რა მინუსები აქვს Visa/Mastercard?
— საკომისიოები
საბანკო გადარიცხვისაგან განსხვავებით, თანხის შეტანა & გატანას Visa/Mastercard-ის დახმარებით დამატებითი საკომისიოები ახლავს თან.
კრიპტალზე ბალანსის შევსება, როგორც TBC, ასევე საქართველოს ბანკის გამოყენებით ექვემდებარება 3%-იან საბანკო საკომისიოს, ხოლო განაღდების შემთხვევაში ეს გადასახადი ფიქსირებული - 1.2 ლარია.
— ლიმიტები
საბანკო ბარათების გამოყენებით შემოტანილი ან გატანილი თანხა გარკვეულ ლიმიტებს ექვემდებარება. მაგალითად, როგორც TBC-ის, ასევე საქართველოს ბანკის მეშვეობით გატანილი თანხის ყოველთვიური ლიმიტი 30,000 ლარს შეადგენს. დეპოზიტის შემთხვევაში კი, ეს თანხა 50,000 ლარია.
რომელია თანხის შეტანა & გატანის შენზე მორგებული გზა?
თუკი გინდა შეარჩიო და გაიგო, რომელია თანხის შეტანა & გატანის შენზე მაქსიმალურად მორგებული გზა, გეტყვით, რომ თუ სისწრაფეზე აკეთებ აქცენტს და გინდა შენი აქტივები რამოდენიმე წამში შეიტანო კრიპტალის ანგარიშზე ან გაანაღდო, მაშინ რეკომენდებული Visa/Mastercard ბარათების გამოყენებაა.
ხოლო თუ შენთვის მნიშვნელოვანი საკომისიოების არ არსებობა და ულიმიტო რაოდენობის თანხის შეტანა ან განაღდებაა, ყველაზე მოსახერხებელი და შენზე მორგებული გზა საბანკო გადარიცხვის, ანუ Wire Transfer-ის გამოყენება იქნება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები