რა ხდება: საქართველოს პრემიერ-მინისტრი ირაკლი ღარიბაშვილი, პრეზიდენტ ილჰამ ალიევის მოწვევით ბაქოში გაემგზავრა.

  • ინფორმაციას მთავრობის პრესსამსახური ავრცელებს.

დეტალები: პრემიერ-მინისტრი 24 ნოემბერს ბაქოში SPECA-ს ("გაეროს სპეციალური პროგრამა ცენტრალური აზიის ეკონომიკისთვის“) ეკონომიკურ ფორუმს საპატიო სტუმრის სტატუსით დაესწრება.

  • ფორუმის ფარგლებში დაგეგმილ სამიტზე საქართველოს პრემიერ-მინისტრი სიტყვით გამოვა.
  • ირაკლი ღარიბაშვილი ასევე შეხვდება აზერბაიჯანის პრეზიდენტს ილჰამ ალიევს.
  • SPECA-ს დაარსებიდან 25 წლისთავთან დაკავშირებული საიუბილეო ფორუმი წელს აზერბაიჯანის თავმჯდომარეობით იმართება.