თუ ჩარლი ბრუკერის დისტოპიური სამყარო მოგენატრათ, თქვენთვის კარგი ამბავი გვაქვს: Black Mirror-ს მე-7 სეზონი დაუმტკიცდა. 4-წლიანი პაუზის შემდეგ მაყურებელმა Black Mirror-ის მე-6 სეზონი 2023 წლის ივნისში იხილა. Netflix ახალი სეზონის გამოსვლის სავარაუდო თარიღს ჯერ არ ასახელებს, თუმცა სერიალის განახლებაზე მუშაობა უკვე დაწყებულია.

Variety-ის ინფორმაციით, შოუს აღმასრულებელი პროდიუსერები ანაბელ ჯონსი და ჯესიკა როუდსი იქნებიან. რაც შეეხება ახალი სეზონის სიუჟეტს, მსახიობებსა და სერიების რაოდენობას, ეს ინფორმაცია ჯერ ისევ არ ვრცელდება.

შეგახსენებთ, რომ Black Mirror-ის წინა სეზონში 5 სერია ვიხილეთ, რომელთაგან Joan is Awful განხილვის თემად მალევე იქცა. გარდა ამისა, Black Mirror-ის მე-6 სეზონში ისეთი ცნობილი მსახიობები მონაწილეობდნენ, როგორებიც ბენ ბარნსი, სალმა ჰაიეკი, აარონ პოლი, ანჯანა ვასანი, ენი მერფი და ოდენ ტორნტონი არიან.

Black Mirror ანთოლოგიური სერიალია, რაც იმას ნიშნავს, რომ ყოველი ეპიზოდი განსხვავებული შინაარსისაა და მასში სხვადასხვა მსახიობები თამაშობენ. სერიალში ნაჩვენებია თანამედროვე საზოგადოება, განსაკუთრებით კი, მასზე ტექნოლოგიების ზემოქმედების შედეგი. სერიალის პირველი ეპიზოდი ჯერ კიდევ 2011 წელს ვნახეთ, თუმცა ის პოპულარულობას დღემდე არ კარგავს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…