ყოფილი მეუღლის მუქარისათვის ბრალდებულს 10 თვით თავისუფლების აღკვეთა მიუსაჯეს.

დღეს, 8 ივნისს, თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ბრალდებული დამნაშავედ სცნო საქართველოს სისხლის სამართლის კოდექსის 11'-151-ე მუხლით, რაც ოჯახის წევრის მიმართ მუქარას გულისხმობს.

პროკურატურის ცნობით, სასამართლოში ბრალდების მხარის მიერ წარდგენილი მტკიცებულებებით დადასტურდა, რომ 2016 წლის 19 აპრილს, მ. მ. მივიდა ყოფილ მეუღლის - ნ. მ.-ს საცხოვრებელ ბინაში, რომელთან ერთადაც დაახლოებით 20 წლის განმავლობაში იმყოფებოდა ქორწინებაში და ეჭვიანობის ნიადაგზე, დანის გამოყენებით დაემუქრა ჯანმრთელობის დაზიანებითა და სიცოცხლის მოსპობით.