რა ხდება: საქართველოს პროკურატურამ, ქორწინების იძულებისა და ადევნების ფაქტზე, ერთ პირს ბრალდება წარუდგინა.

  • ბრალდებული შსს-მ 13 ნოემბერს დააკავა.

სტრიქონებს შორის: ადევნება არის ქალთა მიმართ ძალადობის ერთ-ერთი ფორმა და საქართველოში დასჯადია 2017 წლის შემდეგ.

  • ადევნებად განისაზღვრება პირის, მისი ოჯახის წევრის ან სხვა ახლო ნათესავის არაკანონიერი თვალთვალი.
  • არასასურველი კომუნიკაცია სატელეფონო, ელექტრონული ან სხვა საშუალებებით.
  • მუქარა, რაც აიძულებს პირს, მნიშვნელოვნად შეცვალოს ცხოვრების წესი.
  • ყველა ასეთი ქმედება დასჯადია ორ წლამდე თავისუფლების აღკვეთით.

რა დაადგინა გამოძიებამ: ბრალდებული დაზარალებულთან გენდერული შეუწყნარებლობის მოტივით, არასასურველ კომუნიკაციას ამყარებდა და მუქარით ცდილობდა ქორწინებაზე მის იძულებას, რის გამოც დაზარალებული ფსიქიკურ ტანჯვას განიცდიდა.

  • ბრალის დამტკიცების შემთხვევაში, მას 2 წლამდე პატიმრობა ემუქრება.
  • სისხლის სამართლის საქმეზე გამოძიება გრძელდება.