რა ხდება: რუსმა ოკუპანტებმა დონეცკის ოლქში, სელიდოვოში მრავალსართულიანი სახლი დაბომბეს. მაშველებმა ნანგრევებში ქალის ცხედარს მიაგნეს.

  • უკრაინის შს მინისტრი, იგორ კლიმენკო ვარაუდობს, ნანგრევებში კიდევ, სულ მცირე, ერთი გარდაცვლილია მოყოლილი.

დეტალები: "ღამით მტერმა სარაკეტო იერიში მიიტანა სელიდოვოზე. შედეგად, დაინგრა 4-სართულიანი სახლის სადარბაზო", — დაწერა უკრაინის შს მინისტრმა იგორ კლიმენკომ ტელეგრამ არხზე.

  • საგანგებო სიტუაციების მართვის სამსახურის თანამშრომლებმა, პოლიციელებთან ერთად, შეძლეს კაცისა და ქალის გადარჩენა, ისინი სამედიცინო დაწესებულებაში გადაიყვანეს.
  • დაზიანებული სახლის მეოთხე სართულიდან შეძლეს, ასევე, სამი ადამიანის გამოყვანა, მათგან ერთი ბავშვია.

ბოლო ხაზი: 13 ნოემბერს რუსებმა ხერსონში ცეცხლი გაუხსნეს მანქანას, რომელშიც ოჯახი იჯდა, 2 თვის ბავშვით. მანქანა დაიწვა.

  • თავდასხმის შედეგად დაიღუპა ბავშვის პაპა, დედამ — ფეხი დაკარგა, ის მართვით სუნთქვაზეა.
  • 2 თვის ბავშვი კლინიკაში საშუალო სიმძიმის დამწვრობით არის მოთავსებული, მას აქვს დახურული ქალა-ტვინის ტრავმა, ტვინის შერყევა, ფილტვების და თირკმელების დაზიანება.