რა ხდება: საქართველოს სახელმწიფო უსაფრთხოების სამსახურმა დააკავა უცხო ქვეყნის 2 მოქალაქე.

  • სუს-ის ინფორმაციით, ისინი საზღვარზე მიგრანტის უკანონოდ გადაყვანის და მისთვის საქართველოში ყოფნისათვის შესაბამისი პირობების შექმნის მომზადების ფაქტზე მიმდინარე გამოძიების ფარგლებში დააკავეს.

დეტალები: კონტრტერორისტულმა ცენტრმა სპეციალური ოპერაცია თბილისში ორ ადგილას ერთდროულად ჩაატარა.

  • ამოღებულია სხვადასხვა სახის ელექტრონული ინფორმაციის მატარებელი მოწყობილობები, სამხედრო აღჭურვილობა, სახის ნიღბები, ელექტრო შოკები, უცხო ქვეყნის ყალბი პირადი დოკუმენტები, ფეთქებადი ნივთიერებები, კუსტარულად დამზადებული ასაფეთქებელი მოწყობილობები და დროშა, ტერორისტული ორგანიზაცია ისლამური სახელმწიფოს სიმბოლიკით.
  • "კონტრტერორისტული ცენტრის მიერ, აქტიურად გრძელდება საგამოძიებო და ოპერატიული მოქმედებები, როგორც დაკავებული პირების ტერორისტული ორგანიზაცია ისლამური სახელმწიფოს საქმიანობაში მონაწილეობის ხასიათის გამოვლენისთვის, ისე დანაშაულთან შემხებლობაში მყოფი სხვა პირების მხილების მიზნით", — ნათქვამია სუს-ის განცხადებაში.