არგენტინელმა არტისტმა, 74 წლის მარტა მინუხინმა, ბერძნული პართენონის მსგავსი ნაგებობის შექმნა გადაწყვიტა. თუმცა ერთი განსხვავებით, შენობის კედლებზე 100 ათასზე მეტი წიგნი იქნებოდა გაკრული, რომლებიც ნაცისტებმა აკრძალეს და დაწვეს.

წიგნების პართენონი გერმანიაში მიმდინარე Documenta-ს ხელოვნების ფესტივალზეა გამოფენილი.

აღსანიშნავია, რომ არტისტმა ნამუშევარში 50-ზე მეტი ქვეყნის სხვადასხვა წიგნი გააერთიანა.

როგორც თავად ავტორი ამბობს, მისი ინსპირაციის წყარო ჰაინრიხ ჰაინეს ცნობილი ფრაზა გახდა - "ვინც წიგნებს წვავს, ბოლოს ადამიანებსაც დაწვავს", რომელიც ავტორმა ნაცისტების ხელისუფლებაში მოსვლამდე დიდი ხნით ადრე თქვა.