Mean Girls მიუზიკლის ფილმით ბრუნდება! მისი სცენარისტი კვლავაც, ისევე, როგორც ორიგინალი ფილმის, თინა ფეია. 2018 წელს 2004 წლის ფილმის მიხედვით ბროდვეიზე მიუზიკლი დაიდგა, რომელშიც მთავარი გმირის, რეჯინა ჯორჯის, როლს მსახიობი და მომღერალი რენე რეპი ასრულებდა. ჯორჯის როლს ფილმშიც სწორედ ის მოირგებს.

ფილმის ერთ-ერთი საუნდტრეკი ოლივია როდრიგოს get him back! იქნება. როგორც ტრეილერში ჩანს, ფილმის მთავარი გმირები და ხაზი ისევ იგივე რჩება — მოვლენები კვლავ ტიპურ ამერიკულ სკოლაში ვითარდება, სკოლის პოპულარული გოგოები კი აფრიკიდან ახალგადმოსულ მოსწავლეს უმეგობრდებიან.

ფილმი არამხოლოდ ორიგინალის სიუჟეტს, არამედ მის რამდენიმე სცენასა თუ უშუალოდ ფრაზასაც იმეორებს, რაც მას უფრო მეტად ნოსტალგიურს ხდის. ფილმის უკვე ნაცნობ სახეებსაც ვხედავთ, მაგალითად, მიუზიკლის სცენარისტი თინა ფეი კვლავაც სკოლის მასწავლებლის როლს თამაშობს.

მიუზიკლში თანამედროვე სერიალების ვარსკვლავებსაც ვხედავთ, მაგალითად სერიალში ემილი პარიზში მინდის როლის შემსრულებელ ეშლი პარკს და კონრადის როლის შემსრულებელ კრისტოფერ ბრაინის The Summer I Turned Pretty-დან.

ფილმის პრემიერა 12 იანვარს შედგება, მანამდე კი ნახეთ ტრეილერი: