საქართველოს შინაგან საქმეთა სამინისტროს თანამშრომლებმა 1992 წელს და 1985 წელს დაბადებული თურქეთის ორი მოქალაქე ნარკოტიკული საშუალების უკანონო შეძენა-შენახვის ბრალდებით, ბათუმში დააკავეს. დაკავების შესახებ ინფორმაციას შსს-ს პრესსამსახური ავრცელებს.

"სამართალდამცველებმა, ო.ო.-ს პირადი ჩხრეკისას, ნარკოტიკული საშუალების 339 აბი ამოიღეს, რომელიც, ექსპერტიზის დასკვნით, 31,2113 გრამ MDMA-ს შეიცავს. ჯ.ჰ-ს პირადი ჩხრეკისას კი ამოღებულია 1,06798 გრამი MDMA-ს შემცველი 9 აბი," - აცხადებენ შსს-ში.

საქმეზე გამოძიება განსაკუთრებით დიდი ოდენობით ნარკოტიკული საშუალების შეძენა-შენახვის მუხლით მიმდინარეობს. სისხლის სამართლის კოდექსის დიდი ოდენობით ნარკოტიკული საშუალების შეძენა-შენახვა ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.