ცოტა ხნის წინ მსოფლიომ ჰელოუინი აღნიშნა. ეს დღე განსაკუთრებული კოსტიუმებით გამოირჩევა და ამ ყველაფერში მონაწილეობა ცნობილ ადამიანებსაც ძალიან მოსწონთ. წელს ცნობილ ვარსკვლავებს შორის სხვა სელებრითების მსგავსად გამოწყობა ძალიან პოპულარული იყო, რასაც არც ოზი და შერონ ოსბორნები ჩამორჩნენ.

წლევანდელი ჰელოუინისთვის ოზი და შერონ ოსბორნები კანიე ვესტისა და მისი პარტნიორის, ბიანკა ცენსორის, მსგავსად გამოეწყვნენ. შერონს ხელში იისფერი ბალიში ეჭირა და გამჭვირვალე შარვალი ეცვა, თან ვარცხნილობაც ბიანკას მსგავსად შეარჩია. ოზი კი შავებში გამოეწყო და არც სახის დაფარვა დავიწყებია.

"ჩვენ ასე გვსურდა ჰელოუინზე წასვლა. გინახავთ კანიე ვესტის შეფუთული თავი? მის სახეს ვერავინ ხედავს. მე ცოლი ვიქნები, ოზი კი კანიე ვესტი იქნება", — განაცხადა შერონ ოსბორნმა.

კანიე ვესტისა და ბიანკა ცენსორის ურთიერთობის შესახებ ჭორები მას შემდეგ გავრცელდა, რაც წყვილი სადილის დროს ერთად დააფიქსირეს. 2022 წლის დეკემბერში კი კანიემ ბიანკას სიმღერა, სახელად Censori Overload, მიუძღვნა. ჯერჯერობით წყვილი არ აზუსტებს, დაქორწინებულია თუ არა.

ასევე იხილეთ: