საქართველოს პრეზიდენტი ამბობს, რომ რუსეთისგან საფრთხე ყოველთვის რეალურია და ის საქართველოში ნიადაგს ტესტავს.

  • სალომე ზურაბიშვილმა ამის შესახებ CBS News-თან ინტერვიუში განაცხადა, რომლის ქართულ ენაზე თარგმანს პრეზიდენტის ადმინისტრაცია ავრცელებს.
  • ჟურნალისტის კითხვას, თუ როგორ ამოწმებს რუსეთი ნიადაგს, ზურაბიშვილი პასუხობს: "აქ, მათი მარტივი გზა, ჰიბრიდული ომია".

რას ამბობს პრეზიდენტი საქართველოში გადმოსახლებულ რუსებზე: მისთვის გამაღიზიანებელია, როცა ქვეყანაში არის ხალხი, რომელიც "მტრის ენაზე საუბრობს და რომელთაც სჯერათ, რომ საკუთარ სახლში არიან".

  • სალომე ზურაბიშვილი ამბობს, რომ უნდა შენარჩუნდეს ზღვარი, რათა მომავალში არ იყოს ისეთი ინციდენტები, რომლებიც რუსეთს საშუალებას მისცემს გამოიყენოს "თავისი საყვარელი" დოქტრინა რუსულენოვანი მოქალაქეების დაცვის შესახებ.
  • ჟურნალისტმა პრეზიდენტს ჰკითხა, რატომ არ ამბობს საქართველო "არა რუსებს საქართველოს საზღვრებში", რაზეც სალომე ზურაბიშვილმა უპასუხა რომ ეს "ხელისუფლების საკითხია," თავად კი აღმასრულებელი უფლებამოსილებები აღარ აქვს.