თუკი საქართველოს ბანკის sCoolApp-ის მომხმარებელი ხარ ან იცნობ მოსწავლეს, რომელსაც ეს აპლიკაცია აქვს, შენთვის საინტერესო სიახლეა — სულ მალე სხვა სამყაროში აღმოჩნდები.

სხვა სამყარო — სწორედ ასე ჰქვია sCoolApp-ის ახალ ფუნქციონალს, რომელმაც აპლიკაციის მომხმარებლები 12 ოქტომბრიდან დაუვიწყარ თავგადასავალში ჩართო.

როგორ იქმნებოდა სხვა სამყარო

გეიმიფიკაცია ანუ ვებარხებსა და აპლიკაციებში თამაშის მსგავსი ფუნქციონალის ჩაშენება რომ მომხმარებლის ჩართულობის გასაზრდელად შესანიშნავი საშუალებაა, ეს ცნობილი ამბავია. თუმცა, სხვა სამყაროს შექმნას სხვა მიზანიც ჰქონდა. როგორც sCoolApp-ის Product Owner-ი კობა მჭედლიშვილი ჰყვება, აპლიკაციაში დინამიკური და სახალისო გამოცდილების დამატება მომხმარებლისთვის მისი წარდგენის ეტაპიდანვე იყო დაგეგმილი.

"მოსწავლეებისთვის ფინანსურ განათლებასა და საბაზისო საბანკო პროდუქტებზე წვდომის გაჩენასთან ერთად აუცილებელ პირობად მოვიაზრებდით გეიმიფიკაციის შემუშავებას", — აღნიშნავს კობა, — "სხვა სამყაროში ბევრი კონცეფციის ანალიზის და კვლევის შემდეგ აღმოვჩნდით და ოქტომბერში sCoolApp-ის მომხმარებლებისთვის ხელმისაწვდომი გავხადეთ ყველა ამბიციური იდეა, რომელიც სამუშაო პროცესში გაჩნდა".

ამბიციური იდეა ერთია, მისი განხორციელება — სხვა საქმე. სწორედ ამიტომ, სხვა სამყაროს კონცეფციის შექმნაში კრეატიული სააგენტო Redberry-ც ჩაერთო. კობას თქმით, გეიმიფიკაცია ციფრული ინდუსტრიისთვის ბოლო წლების გამოწვევაა, რის გამოც გუნდს ბევრ ახალ და საინტერესო ამოცანაზე მუშაობა მოუწია. თუმცა ეს პროცესიც ისეთივე დინამიკური და სახალისო აღმოჩნდა, როგორც საბოლოო შედეგი.

რა დაგხვდება სხვა სამყაროში

რაც შეეხება საბოლოო შედეგს — სხვა სამყარო, როგორც კობა გვიხსნის, მოულოდნელობებით სავსე მეტავერსია. აქ მომხმარებელი სხვადასხვა პერსონაჟს შეხვდება, წარმატების მისაღწევად კი მათი დახმარება და სხვადასხვა მისიის შესრულება მოუწევს.

"ეს პერსონაჟები ჩვენს რეალურ სამყაროში სხვაგვარად არსებობენ, სხვა სამყაროში კი უფრო საინტერესო და სახასიათო ინდივიდები არიან", — ამატებს კობა.

ოქტომბრიდან სხვა სამყაროს პირველი სეზონი აიღებს სტარტს. მოსწავლეებს წინ ბევრი საინტერესო თავგადასავალი და მისია ელოდებათ. ყველაზე ყურადღებიანი და წარმატებული sCoolApp-ელებისთვის კი სეზონის განმავლობაში უამრავი სიურპრიზია მომზადებული.

მოლოდინები სხვა სამყაროსგან

"BOG sCoolApp-ში ყველა ფუნქციონალის შექმნისას ციფრული გამოცდილების ხარისხის მიმართ უკომპრომისო ვართ, ამიტომ გვინდოდა, საუკეთესო სხვა სამყარო შეგვექმნა, რომელიც საქართველოს ბანკის ბევრი გუნდის და კომპეტენციის მიერ გაწეული სამუშაოს შედეგია", — ჰყვება კობა.

ამის გათვალისწინებით, სხვა სამყაროს შემქმნელებს ერთი მოლოდინი აქვთ — ის ყველაზე სამახსოვრო ციფრულ ფუნქციონალად იქცეს და მოსწავლეებსაც ისევე შეუყვარდეთ, როგორც მასზე მომუშავე გუნდს.

"ყოველთვის ვუსმენთ ჩვენს მომხმარებელს, ეს ფუნქციონალი კი დიდ შესაძლებლობას აჩენს, ისეთ გამოცდილებას ვქმნიდეთ, რომელსაც ახალი თაობა გვკარნახობს", — ამატებს კობა, — "ჩემთვის, როგორც PO-სთვის ეს ყველაზე შთამბეჭდავი ფაქტია სხვა სამყაროს შესახებ".

სხვა სამყაროს თავგადასავალში ჩასართავად კი, რა თქმა უნდა, აუცილებლად უნდა გეგულებოდეს sCoolApp სმარტფონში. ამისათვის საჭიროა, მოსწავლემ გადმოწეროს აპლიკაცია Android ან iOS მოწყობილობისთვის, გაიაროს მარტივი რეგისტრაცია თავისი და მშობლის მონაცემების მითითებით და ბოლოს მშობელმა დაადასტუროს sCoolApp-ის აქტივაცია თავისი მობილბანკიდან.