მალე ბრიტნი სპირსის მემუარები, სახელად The Woman in Me, გამოვა. წიგნში მომღერალი ისეთ ისტორიებსა და გამოცდილებებს გვიზიარებს, რომლებიც აქამდე საზოგადოებისთვის ცნობილი არ იყო. People-ის მიხედვით, ერთ-ერთი ასეთი საიდუმლო ფაქტი, რომელსაც ბრიტნი 20 წლის განმავლობაში არ ამჟღავნებდა, მომღერლის ორსულობაა. ბრიტნი სპირსი The Woman in Me-ში წერს, რომ ჯასტინ ტიმბერლეიკისგან ორსულად იყო, მაგრამ აბორტის გაკეთება მოუწია.

"ორსულობა სიურპრიზი აღმოჩნდა, მაგრამ ჩემთვის ეს ტრაგედია არ ყოფილა. ჯასტინი ძალიან მიყვარდა და ველოდი, რომ ერთ დღესაც ოჯახს შევქმნიდით. თუმცა ჯასტინს ჩემი ორსულობა არ გაუხარდა. მან მითხრა, რომ არ ვიყავით მზად ბავშვი გვყოლოდა, რადგან ძალიან ახალგაზრდები ვიყავით", — წერს ბრიტნი.

აბორტის შესახებ ბრიტნი იმასაც აღნიშნავს, რომ მხოლოდ მასზე რომ ყოფილიყო დამოკიდებული, ამ გადაწყვეტილებას არ მიიღებდა. თუმცა მომღერლის თქმით, მისი პარტნიორი ბავშვის გაჩენის წინააღმდეგი იყო. "ჯასტინი დარწმუნებული იყო, რომ არ სურდა, მამა გამხდარიყო", — წერს ბრიტნი მემუარებში.

შეგახსენებთ, რომ ჯასტინ ტიმბერლეიკი და ბრიტნი სპირსი ერთმანეთს 1999-2002 წლებში ხვდებოდნენ. ჯასტინთან დაშორების შემდეგ ბრიტნიმ კევინ ფედერლაინზე იქორწინა და ორი შვილი შეეძინა. რაც შეეხება მემუარებს, The Woman in Me 24 ოქტომბერს გამოქვეყნდება.