ინტერნეტით დღეს ნებისმიერი სერიალისა თუ სატელევიზიო შოუს ნახვა იმ დროს შეგვიძლია, როცა ამის სურვილი გვაქვს. ადრე კი ამის ფუფუნება არ გვქონდა და თუ კონკრეტულ საათზე ტელევიზორთან არ მოკალათდებოდი, მნიშვნელოვან სერიებსა და ამბებს გამოაკლდებოდი. ამ ყველაფერს კი ისიც ართულებდა, რომ ხანდახან შუქიც არ გვქონდა და მონდომებასთან ერთად, ცოტა იღბალიც იყო საჭირო.

თუ ეს სიტუაცია შენთვის ნაცნობია, მაშინ ამ სტატიაში ჩამოთვლილი სერიალების, მულტფილმებისა და სატელევიზიო შოუების ცნობას არ გაგიჭირდება. აი, 10 რამ, რაც ნაცნობი იქნება, თუ ბავშვობაში ტელევიზორს ვერ წყდებოდი:

1. ბავშვები 402-ე ოთახიდან (The Kids from Room 402)

ფოტო: Jetix

ამ მულტფილმის გამო შაბათ-კვირასაც კი არ გვეზარებოდა დილით ადრე ადგომა.

2. ფორტ ბოიარდი (Fort Boyard)

მონაწილეებზე ნაკლებად არც ჩვენ ვღელავდით და ამ სატელევიზიო შოუს ვეფხვებიც გვაშინებდა, თუმცა ბოლოს ყველაფერი მაინც კარგად სრულდებოდა ხოლმე.

3. იუდას ქალი (La mujer de Judas)

ფოტო: RCTV

იმედია, ყველას გახსოვთ, თუ ვინ აღმოჩნდა იუდას ქალი....

4. შუა ქალაქში

ფოტო: On.ge

ამ სერიალის გამო ტელევიზორებს დღესაც ვერ ვწყდებით და თითქმის ყველა პერსონაჟი განსაკუთრებულად გვიყვარს.

5. რელიკვიების მაძიებელი (Relic Hunter)

ფოტო: Imdb

ამ ორის თავგადასავლები და ხათაბალები მართლაც აზარტული საყურებელი იყო, თუნდაც დილის 9 საათზე!

6. ცხოვრება ლუისთან ერთად (Life with Louie)

ფოტო: Jetix

ლუის ისტორიებში იმდენად ვიყავით ჩართული, რომ ხშირად თავი მისი ოჯახის წევრი გვეგონა. ან ენდი ანდერსონის გენიალურ ფრაზებს რა დაგვავიწყებს!

7. ოქროს ვარდის გამოქვაბული (The Cave of the Golden Rose)

ფოტო: Imdb

ფანტაგიროს ამბები და სასიყვარულო თავგადასავლები თუ დაგავიწყდა, გადამეორებაში ხელს არაფერი გიშლის. ამ ფილმებში მისტიკაც ვნახეთ და ბევრი ჩვენგანი პირველ ქრაშებსაც შეხვდა.

8. ფარული ვნება (Pasión de Gavilanes)

ფოტო: Telemundo

ამ სერიალს შეხსენება სულაც არ სჭირდება, რადგან ნახევარი საქართველო სამი დისა და ძმის თავგადასავალს ყოველ საღამოს ველოდით. ალბათ, სერიალის საუნდტრეკი დღემდე კარგად გახსოვს!

9. ტელეღიპუცები (Teletubbies)

ფოტო: BBC Two

ტელეღიპუცების ჩახუტება და პერსონაჟი მზე, წესით, ყველას კარგად უნდა ახსოვდეს. რომელიმე ტელეღიპუცი კი, ალბათ შენც გამორჩეულად გიყვარდა.

10. დაბოლოს, მეამბოხე სულები (Rebelde Way)

ფოტო: Canal 9

პერსონაჟების გარდა, სერიალში სკოლაც და ფორმებიც მოგვწონდა, საუნდტრეკებს კი ბლუთუზითა და დიდი ტანჯვით ტელეფონებში ვიწერდით.

ასევე იხილეთ: