რატომ არის მნიშვნელოვანი: გასულ წელს უკრაინამ წარმატებული კონტრშეტევა განახორციელა და რუსული ძალები კიევიდან ჩრდილო-აღმოსავლეთის, ასევე, სამხრეთით, ხერსონის რეგიონის ტერიტორიებზე დაამარცხა.

  • ოკუპანტები კვლავ იკავებენ აღმოსავლეთის, სტრატეგიულად მნიშვნელოვანი სამხრეთისა და ყირიმის ნახევარკუნძულის ნაწილებს.
  • მორიგი კონტრშეტევა უკრაინამ ზაფხულში წამოიწყო — ოფიციალური პირები ფრონტის ხაზზე გარკვეულ წინსვლაზე საუბრობენ.
  • როგორც Forbes წერს, კონტრშეტევის 13 კვირის განმავლობაში უკრაინის არმიამ 71 ლეოპარდიდან მხოლოდ 5 დაკარგა, 10 კი დაზიანდა.
  • რაც შეეხება არმიის წინსვლას, ეს საკითხი უწყვეტი განხილვისა და კრიტიკის მიზეზი ხდება, რადგან წინა კონტრშეტევის მსგავსად, საზოგადოება სწრაფ შედეგებს ელის.
  • ნატოს გენერალურმა მდივანმა იენს სტოლტენბერგმა მოუწოდა ყველას, არ იჩქარონ დასკვნების გამოტანა უკრაინის კონტრშეტევაზე და აღნიშნა, რომ უკრაინამ არაერთხელ გადააჭარბა მოლოდინს.

სიტუაცია ფრონტის ხაზზე: ომის კვლევის ინსტიტუტის შეფასებით, რუსული ჯარები ხერსონის ოლქის მარცხენა სანაპიროზე და ყირიმში თავდაცვისთვის ემზადებიან.

  • მათი შეფასებით, ოკუპანტები შეშფოთებულნი არიან იმით, რომ შესაძლოა, უკრაინამ მდინარე დნეპრის გადაკვეთა სცადოს.
  • თუმცა, სამხედრო ექსპერტი ვარაუდობს, რომ უკრაინის შეიარაღებული ძალები ბახმუტისა და მელიტოპოლის მიმართულებით შეტევით ოპერაციებს გააგრძელებენ.
  • უკრაინული ძალების ცნობით, რუსებს სულ უფრო მეტი ძალები გადაჰყავთ ავდეევკაში, რომ ალყაში მოაქციონ.
  • ამის ფონზე კი ISW ამბობს, რომ 13 ოქტომბერს ავდეევკას რაიონში რუსული შეტევითი ოპერაციები წარუმატებელი აღმოჩნდა.
  • ექსპერტის შეფასებით, ოკუპანტებს ავდეევკა სჭირდებათ, რადგან დონეცკის ოლქის ადმინისტრაციულ საზღვრებთან მიახლოება სურთ და ეს ქალაქი "საკმაოდ ძლიერი თავდაცვითი ხაზია".
  • ამავდროულად, უკრაინის შეიარაღებული ძალების ცნობით, რუსებს დონეცკის ოლქის ადმინისტრაციულ საზღვრებში შესვლა ახალ წლამდე სურთ.
  • უკრაინის აღმოსავლეთის ძალების ჯგუფის მეთაურმა განაცხადა, რომ რუსეთის მაკეევკას რაიონში ახალ შეტევას იწყებს და ლიმანსა და კუპიანსკში მძიმე ბრძოლები მიმდინარეობს.