Warner Bros-ის ახალ ფილმში ლეგენდარული ვილი ვონკა ბრუნდება! Wonka-ში მის როლს ტიმოთი შალამე შეასრულებს. ეს ეკრანიზაცია პერსონაჟის ახალგაზრდობაზე მოგვითხრობს იმ დრომდე, სანამ ის ცნობილ შოკოლადის ქარხანას გახსნიდა. ცოტა ხნის წინ ფილმის მეორე ტრეილერი გავრცელდა, რომელშიც კიდევ უფრო მეტ პერსონაჟს ვხედავთ და სიუჟეტზეც მეტს ვიგებთ.

ახალი ფილმი მიუზიკლი იქნება, შესაბამისად, ტიმოთი შალამეს სიმღერისა და ცეკვის ნიჭით ტკბობის შესაძლებლობაც მოგვეცემა. ფილმის რეჟისორი პოლ კინგია. Wonka ცნობილი წიგნის, ჩარლი და შოკოლადის ქარხანა, მესამე ეკრანიზაციაა. 1971 წელს გამოსულ ფილმში მთავარი გმირის როლს ჯინ უაილდერი ასრულებდა, 2005 წლის ფილმში კი — ჯონი დეპი.

ახალგაზრდა და უფულო ვილი ვონკა მსოფლიოს შემოვლას, სხვებისთვის საკუთარი შოკოლადის რეცეპტის გაცნობასა და მსოფლიოში საუკეთესო შოკოლადის ქარხნის შექმნას გეგმავს. რეჟისორი გვპირდება, რომ ფილმში ვონკას პერსონაჟთან დაკავშირებით ისეთ კითხვებსაც კი გაეცემა პასუხი, რომლებზეც არასოდეს გვიფიქრია.

Wonka-ში ტომოთისთან ერთად ისეთ ცნობილ მსახიობებს შევხვდებით, როგორებიც არიან: სალი ჰოუკინსი, ოლივია კოლმანი, ჰიუ გრანტი და სხვები. რეჟისორის თქმით, უნდოდა, ვილი ვონკას ქარხნის ერთ-ერთი ბოროტი და ცინიკური თანამშრომლის როლი რომელიმე ვარსკვლავს მოერგო, რისთვისაც ჰიუ გრანტი ზედგამოჭრილი აღმოჩნდა.

კინგმა ასევე მადლიერება გამოხატა ტიმოთის მიმართაც, რადგან ფილმის გადაღებები რამდენიმე წელი გაგრძელდა, ბევრი სცენა კი შალამესგან ცეკვა-სიმღერას ითვალისწინებდა, რასაც თავი შესანიშნავად გაართვა. ფილმის პრემიერა 15 დეკემბერს შედგება.

ნახეთ ტრეილერი:

ამავე თემაზე: