რა ხდება: ტელეკომპანია ფორმულას დაკვეთით Edison Research-მა კვლევა ჩაატარა.

  • კვლევის თანახმად, მოსახლეობის 61% ფიქრობს, რომ ქვეყანა არასწორი მიმართულებით ვითარდება, 39% კი მიიჩნევს, რომ სწორი მიმართულებით.
  • ნატოსა და ევროკავშირის მხარდამჭერთა რიცხვი ისევ მაღალია.
  • მოსახლეობის 90% ევროკავშირის წევრობას უჭერს მხარს, NATO-ში გაწევრიანების მომხრე კი 83%-ა.
  • გამოკითხულთა ნახევარი ფიქრობს, რომ საქართველო კანდიდატის სტატუსს მიიღებს, ნახევარის აზრით, ვერა.

დეტალები: ფორმულას გასაჯაროებული მონაცემების მიხედვით, მოსახლეობის ნახევარზე მეტი, 58% ფიქრობს, რომ პრეზიდენტმა მიხეილ სააკაშვილი უნდა შეიწყალოს, 43% კი წინააღმდეგია.

  • კითხვაზე — რამდენად ემხრობით ან ეწინააღმდეგებით პრეზიდენტ სალომე ზურაბიშვილის იმპიჩმენტს — პასუხები ასე ნაწილდება:
  • ვეწინააღმდეგები — 62%;
  • ვემხრობი — 38%.

გარდა ამისა, კვლევის შედეგების მიხედვით, უმრავლესობას, 67%-ს პარლამენტში მმართველის როლში ახალი პარტიების ნახვა ურჩევნია.

  • 37%-ს კი უმრავლესობაში ქართული ოცნების დარჩენა ერჩივნა.

მეთოდოლოგია: ფორმულას ინფორმაციით, კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი.

  • საველე სამუშაოები 2023 წლის 7 სექტემბრიდან 24 სექტემბრის პერიოდში ჩატარდა.
  • ცდომილება +/- 3%-ა 95%-იანი სანდოობის დონისთვის.