მუშაობა სიცხეში - ფოტორეპორტაჟი თბილისის ქუჩებიდან

დღეს, 4 ივლისს, თბილისში ჰაერის მაქსიმალური ტემპერატურა გარემოს ეროვნული სააგენტოს ინფორმაციით 38 გრადუსია. დაავადებათა კონტროლის ეროვნული ცენტრი მოსახლეობას აფრთხილებს, მოერიდონ თაკარა მზეზე ყოფნასა და მუშაობას, ეს განსაკუთრებით ეხება მცირეწლოვან ბავშვებს, მოხუცებსა და ქრონიკული დაავადების მქონე პირებს. თუმცა, თბილისის ქუჩებში არაერთ ადამიანს შეხვდებით, როლებიც, სიცხის მიუხედავად, მუშაობენ. ასეთებს შორის არიან გამწვანების და დასუფთავების სამსახურში დასაქმებულები, ავტოსადგომის მეთვალყურეები, ავტობუსის კონტროლიორები, ბუკინისტები თუ გარემოვაჭრეები.

On.ge გთავაზობთ ფოტორეპორტაჟს ჭავჭავაძის გამზირზე, მელიქიშვილის ქუჩაზე, რუსთაველის გამზირზე და კოლმეურნეობის მოედანზე მომუშავე ადამიანებზე. ფოტოები გადაღებულია 15-დან 17 საათის მონაკვეთში.