უსაფრთხო და კომფორტული მგზავრობისთვის მანქანის რეგულარულად შემოწმება და შესაბამისი მოვლა აუცილებელია, თუმცა ეს ყველაფერი განსაკუთრებით მნიშვნელოვანი ზამთარშია. წვიმა, თოვლი, ყინვა — ცუდი ამინდი არაკომფორტულთან ერთად საშიშიც შეიძლება იყოს, თუ მძღოლი ამისთვის სათანადოდ მომზადებული არაა.

ამ სტატიაში 5 რჩევას გაგიზიარებთ, რომელიც მანქანის ზამთრისთვის მომზადებაში დაგეხმარება:

1. შეცვალე ზაფხულის საბურავები ზამთრის საბურავებით

ფოტო: Giphy

უპირველეს ყოვლისა, მძღოლისა და მგზავრების უსაფრთხოებისთვის აუცილებელია, ზაფხულის საბურავები ზამთრის საბურავებით შევცვალოთ. ზამთრის საბურავებს წვიმაში, თოვლსა და ყინვაში უკეთესი მოჭიდება აქვს, რაც ცუდი ამინდის თანმხლებ რისკებს შეამცირებს.

2. შეამოწმე სამუხრუჭე სისტემა

ფოტო: Giphy

ზამთრისთვის მოსამზადებლად მხოლოდ საბურავების შეცვლა საკმარისი არაა: აუცილებელია სამუხრუჭე სისტემის შემოწმებაც. ცუდ ამინდში შესაძლოა, მანქანის მოულოდნელად და მოკლე მანძილზე დამუხრუჭება დაგვჭირდეს. საფრთხის თავიდან ასაცილებლად, აუცილებელია, სამუხრუჭე ხუნდების, დისკებისა და სამუხრუჭე სითხის შემოწმება და აუცილებლობის შემთხვევაში — მათი გამოცვლა.

3. შეამოწმე აკუმულატორი

ფოტო: Giphy

ზამთრის დადგომამდე არც აკუმულატორის შემოწმება არ უნდა დაგვავიწყდეს. სიცივემ შესაძლოა აკუმულატორის მწყობრიდან გამოყვანა გამოიწვიოს. სწორედ ამიტომ საშიში სიტუაციების თავიდან ასაცილებლად აკუმულატორი წინასწარ უნდა შევამოწმოთ და საჭიროების შემთხვევაში — გამოვცვალოთ.

4. არ დაგავიწყდეს ანტიფრიზი

ფოტო: Giphy

ანტიფრიზი ძრავას ტემპერატურის ცვლილებით გამოწვეული შედეგებისგან იცავს, როგორც ცხელ ისე — ცივ ამინდებში. ყინვისგან დაცვის გარდა, ის ძრავის სისტემაში საპოხის ფუნქციასაც ასრულებს. სწორედ ამიტომ ანტიფრიზს ყურადღება ზამთარშიც უნდა მივაქციოთ და ცივი სეზონის დაწყებამდე მისი შემოწმება ან, საჭიროების შემთხვევაში, შეცვლა უნდა უზრუნველვყოთ.

5. შეარჩიე მინის საწმენდი ყინვაგამძლე სითხე

ფოტო: Giphy

მანქანის მართვისას მნიშვნელოვანია, ირგვლივ ყველაფერს კარგად ვხედავდეთ. ეს განსაკუთრებით აქტუალური ზამთარშია, როცა წვიმა, თოვლი და ცუდი ამინდი ხელს კიდევ უფრო გვიშლის. იმისათვის, რომ მანქანის მინები დაცული იყოს და არც ავტომობილის მართვაში შეგვეშალოს ხელი, აუცილებელია ისეთი საწმენდი სითხე შევარჩიოთ, რომელიც ყინვაგამძლეა.

თუ მანქანის ზამთრისთვის მომზადება გინდა, ამაში ვუვლი დაგეხმარება, რომელიც ყველა საჭირო სერვისს ერთ სივრცეში აერთიანებს. ავტომომსახურების ქართული სერვისი ვუვლი საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებასა და შემოწმებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.