სახლიდან სამსახურში, მეგობრებთან თუ ქალაქგარეთ სიარული ზოგისთვის სასიამოვნო სიახლეა, ზოგისთვის კი — რუტინა. ამის მიუხედავად, მგზავრობის პროცესს უფრო საინტერესოს, მოსახერხებელსა და მარტივს თანამედროვე ტექნოლოგიები, მათ შორის, აპლიკაციები ხდის.

ამ სტატიაში ისეთ აპლიკაციებს შეგახსენებთ ან გასწავლით, რომლებიც მანქანის მართვაში დაგეხმარება ან რუტინას გაგიხალისებს:

1. Google Maps

პირველი და უმთავრესი, რა თქმა უნდა, Google Maps-ია. ამ აპლიკაციის გარეშე მგზავრობა უამრავი მძღოლისთვის წარმოუდგენელია და სამართლიანადაც. გზის აბნევა ან უცნობი ადგილის დაუსრულებლად ძებნა არავის ეხალისება, ამიტომ სანამ სახლიდან გახვალ, მობილურზე Google Maps-ის გადმოწერა არ დაგავიწყდეს.

2. Spotify

მგზავრობა გაცილებით სასიამოვნო და კომფორტულია, როცა გზაზე საყვარელი მუსიკა მიგაცილებს. შეგიძლია მგზავრობებისთვის რამდენი ფლეილისტი შექმნა — ხასიათის, დროის მონაკვეთისა და იმის მიხედვით, მარტო მგზავრობ თუ სხვებთან ერთად. მაგალითად, თუ ზღვაზე მიდიხარ, ჩვენ ჰარი სტაილსის Golden-ის მოსმენას გირჩევთ!

3. 112-ის აპლიკაცია

ცხოვრება მოულოდნელობებითაა სავსე — ზოგჯერ სასიამოვნო, ზოგჯერ კი უსიამოვნო სიტუაციებში აღმოვჩნდებით ხოლმე. რაც არ უნდა ვეცადოთ, ასეთი ამბები ხშირად გარდაუვალია, ამიტომ ისღა დაგვრჩენია, მათ მომზადებულები შევხვდეთ. სწორედ ამისთვის მნიშვნელოვანია, მობილურში 112-ის აპლიკაცია გქონდეს, რათა გადაუდებელი აუცილებლობის დროს ზედმეტი დრო არ დაკარგო და შესაბამის ორგანოებს მალევე დაუკავშირდე.

4. ვუვლის აპლიკაცია

ვუვლი ციფრული პლატფორმაა, რომელიც მანქანის მოვლასთან და შეკეთებასთან დაკავშირებულ სერვისებს აერთიანებს. სერვისები სრულიად დისტანციურია, რაც ავტომფლობელს დროისა და ენერგიის დაზოგვის შესაძლებლობას აძლევს. ვუვლის სერვისებით სარგებლობა გაცილებით მარტივია მობილური აპლიკაციით, რომელიც ანდროიდისა და iOS-ისთვის ხელმისაწვდომია. აპლიკაციაში სასურველ სერვისს მარტივად აირჩევ, გააფორმებ შეკვეთას და იმ შემთხვევაში, თუ შენს ავტომობილს სერვისცენტრში გადაიყვანენ, მომსახურების მიღების შემდეგ მანქანის დაბრუნებასაც აპლიკაციის დახმარებით შეძლებ. ზეთის შეცვლა, გზაზე დახმარების სერვისი, ტექნიკური ინსპექტირება, ქიმწმენდისა და რეცხვის სერვისი — ეს მხოლოდ მცირე ჩამონათვალია იმ სერვისებისა, რომელსაც ვუვლის აპლიკაცია ერთ სივრცეში აერთიანებს.

თუ გინდა, ავტომობილთან დაკავშირებული სერვისები მარტივად, ზედმეტი დროისა და ენერგიის დახარჯვის გარეშე მიიღო, ამაში ვუვლი და ვუვლის აპლიკაცია დაგეხმარება. ავტომომსახურების ქართული სერვისი ვუვლი საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.