პენტაგონმა ახალი ვებსაიტი ჩაუშვა და ის უშუალოდ ამოუცნობი მფრინავი ობიექტების (UFO) შესახებ იქნება. ვებსაიტის მიზანი UFO-ს შესახებ საზოგადოების მეტად ინფორმირებაა.

ვებსაიტზე ოფიციალური ინფორმაცია გამოქვეყნდება ხოლმე. Space.com იტყობინება, რომ ეს შესაბამისი ინფორმაციის კატეგორიზებისთვისაც მნიშვნელოვანია. აღსანიშნავია, რომ მსგავსი მოთხოვნა თავად კონგრესს ჰქონდა.

"ჩვენი გუნდი აშშ-ს მთავრობის ნებართვის შესაბამისად მუშაობს. გვსურს დაუდგენელი ანომალიური ფენომენების (UAP) შესწავლა და აღრიცხა. დაარსებიდან (2022 წელი) AARO-მ შესაბამისი მონაცემების შეგროვების მხრივ დიდი შრომა გასწია", — ამბობს AARO-ს დირექტორი, შონ კირკპატრიკი.

ვებსაიტზე ინფორმაცია იმ ამოუცნობ ობიექტებზე იქნება, რომლებიც როგორც ჰაერში, ისე წყალში გვხვდება.

შეგახსენებთ, რომ 26 ივლისს ეროვნული უსაფრთხოების, საზღვრისა და საგარეო საქმეთა პალატის ზედამხედველობის ქვეკომიტეტმა UFO-ს საკითხი სერიოზულად განიხილა. კონგრესმენება სამი მოწმის მოხსენება მოისმინეს, რომლებიც ამოუცნობი ობიექტების შესახებ საუბრობდნენ. მათ შორის ყველაზე თვალსაჩინო საჰაერო ძალების ყოფილი მაიორი, დევიდ გრუში, იყო.

გრუშის თქმით, აშშ-ს სამხედროებს დიდი ხანია ჩამოვარდნილი UAP-ის ნაშთები აქვთ. მეტიც, გრუშმა განაცხადა, რომ მთავრობა არამიწიერ სიცოცხლეზე ინფორმაციას 1930-იანი წლებიდან ფლობს.

ერთი რამ ფაქტია, რაც დროს გადის ამოუცნობ ობიექტებზე სულ უფრო მეტი ადამიანი საუბრობს და ახლა ეს სერიოზულ სახეს იღებს.

ვნახოთ, რა იქნება შემდეგი.