რატომ არის მნიშვნელოვანი: ქართული ოცნების მსგავსად, ოკუპირებული აფხაზეთის დე ფაქტო ლიდერი მუდმივად ამტკიცებს, რომ დასავლეთი და ქართული ოპოზიცია საქართველოში "მეორე ფრონტის" გახსნას ცდილობენ.

  • ამ კონტექსტში ასლან ბჟანიამ არაერთხელ შეაქო საქართველოს ხელისუფლება და თქვა, რომ ისინი ამ მცდელობას ეწინააღმდეგებიან.

დეტალები: ოკუპირებული აფხაზეთის ე.წ. პრეზიდენტი იმუქრება, რომ "მეორე ფრონტის" გახსნის შემთხვევაში, "საქართველო ვერცერთ ომს ვერ მოიგებს", თუმცა, მისი მტკიცებით, ამ მიმართულებით მცდელობები მიმდინარეობს.

  • "ძალიან მინდა, საქართველოს ამჟამინდელმა ხელმძღვანელობამ შეძლოს ამ თვალსაზრისით მედგრად დგომა. იქ ეს ყველაფერი ასე მარტივი არ არის. მიმდინარე წლის აპრილში ძალიან მძიმე ვითარება იყო — იყო გადატრიალების მცდელობა [იგულისხმება ლაზარე გრიგორიადისის მხარდამჭერი ქმედებები — რედ.], მაგრამ საქართველოს ხელისუფლება მედგრად დადგა".
  • ბჟანია ამბობს, რომ საქართველოს ხელისუფლებას ასე გაგრძელება "მოუწევს".
  • "შეძლებენ თუ არა ასე გაგრძელებას, ამაზე დარწმუნებით ვერანაირ დასკვნას ვერ გამოვიტან, მაგრამ, როგორც ვხედავთ, ეტყობა, მოუწევთ. მოგეხსენებათ, მათაც არ აქვთ ალტერნატივა — საქართველო ვერც ერთ ომს, ვერც საომარ მოქმედებებს ვერ მოიგებს".