უამრავი ჩვენგანისთვის ავტომობილით მგზავრობა ყოველდღიურობისა და რუტინის განუყოფელი ნაწილია. ამიტომ გასაკვირი არაა, რომ ამ პროცესის გამრავალფეროვნებას სხვადასხვა გზით ვცდილობთ. ერთ-ერთი საუკეთესო გზა მგზავრობისთვის ახალი ფლეილისტების შექმნა და საყვარელი სიმღერების მოსმენაა.

თუ ავტომობილით მგზავრობისთვის ახალი ფლეილისტი გჭირდება, ამ სტატიაში 10 სიმღერას შემოგთავაზებთ, რომელიც შენი მოგზაურობის საუნდტრეკებად იქცევა:

1. Cruel Summer — ტეილორ სვიფტი

Cruel Summer ტეილორ სვიფტის ერთ-ერთი ყველაზე პოპულარული სიმღერაა, რომელიც პირველივე წამიდან აგიყოლიებს. მიუხედავად იმისა, ზამთარია თუ ზაფხული, Cruel Summer თავს მუდამ სამყაროს მთავარ პერსონაჟად გაგრძნობინებს!

2. I’m Gonna Be (500 Miles) — The Proclaimers

თუ სერიალი How I Met Your Mother გიყვარს, გემახსოვრება, როგორ უსმენენ ტედი და მარშალი ამ სიმღერას დაუსრულებელი მგზავრობისას. ერთი მოსმენა საკმარისია იმისთვის, რომ მათ შენც მიბაძო და თავგადასავლებისკენ გაიჭრა!

3. Shut Up and Drive — რიანა

ფრთხილად იყავი! ამ სიმღერამ საჭესთან ზედმეტად არ აგაცეკვოს! სიმღერასაც ნუ აყვები - უბრალოდ გაჩუმდი და მანქანა ატარე!

4. On Top Of The World — Imagine Dragons

Imagine Dragons-ს ჩვენი აყოლიება არასდროს უჭირს, მაგრამ On Top Of The World თავს დიდი და დაუვიწყარი თავგადასავლის მონაწილედ გაგრძნობინებს. იმედია, საჭესთან არ აცეკვდები!

5. Golden — ჰარი სტაილსი

განთიადი, მზის ჩასვლა, ქვიშა, შუქებით განათებული ღამის ქალაქი — უამრავი რამ შეიძლება იყოს ოქროსფერი და ჰარი სტაილსის ეს სიმღერა მგზავრობასა და სახეზე ქარის მილამუნებას კიდევ უფრო ჯადოსნურს ხდის!

6. Toxic — ბრიტნი სპირსი

ამ ცნობილ კლიპში ბრტინი სპირსი ხან თვითმფრინავშია, ხანაც — მოტოციკლეტზე. თუმცა, დაგვერწმუნე, ამ სიმღერის ჩართვისთანავე ცნობილი მომღერალი შენს მანქანაში აღმოჩნდება!

7. Bad Idea Right? — ოლივია როდრიგო

თუ მანქანაში იმისთვის ჯდები, რომ ყოფილს კიდევ ერთხელ მიაკითხო (რასაც არ გირჩევთ), ოლივია როდრიგოს ახალი ჰიტი აუცილებლად მოგეწონება. შესაძლოა ამ სიმღერამ ყოფილის მონახულება ვერ გადაგაფიქრებინოს, მაგრამ მგზავრობით მაინც ისიამოვნებ.

8. Cleopatra — The Lumineers

The Lumineers-ის Cleopatra-ს თუნდაც მხოლოდ იმისთვის უნდა მოუსმინო, რომ ამ ჰიტის შთაგონების წყაროდ ქართველი ქალი, ტაქსის თბილისელი მძღოლი, მანანა იქცა!

9. The Adults Are Talking — The Strokes

ეს ისეთი სიმღერაა, მზე, ცარიელი გზატკეცილი, ქარისგან აწეწილი თმა და მეგობრები რომ უხდება! დროა, დაივიწყო, უფროსები რას ლაპარაკობენ და ცხოვრებით ისიამოვნო!

10. Let It Happen — Tame Impala

ამ სიმღერას ღამის ქალაქი, მანათობელი შუქები, ფანჯრიდან გაყოფილი თავი და საღამოს გრილი ნიავი უხდება — როცა თითქმის სახლში ხარ, მაგრამ გზის გაგრძელება გინდა, რათა სიმღერით დატკბე!

იმისათვის, რომ საყვარელ მანქანაში საყვარელ სიმღერებს დაუსრულებლად უსმინო, შენი მანქანის კეთილდღეობა პროფესიონალებს უნდა მიანდო. ამაში ავტომომსახურების ქართული სერვისი ვუვლი დაგეხმარება, რომელიც საშუალებას გაძლევს, საჭიროების შემთხვევაში ავტოექსპერტი დისტანციურად გამოიძახო და მანქანის შეკეთებაზე ზრუნვაც მას გადააბარო. ეს ციფრული პლატფორმა შენი მანქანის ყველა საჭიროებას ერთ სივრცეში უყრის თავს და სწრაფ, ხარისხიან და სანდო მომსახურებას გთავაზობს.