პროფესიონალი და არაპროფესიონალი მსახიობების როგორი გარდასახვა არ გვინახავს პოპულარულ სერიალ American Horror Story-ში, მაგრამ კიმ კარდაშიანის გამოჩენამ ახალი სეზონის თიზერში განცვიფრებისგან პირღია დაგვტოვა — პირდაპირი მნიშვნელობით.

მოკლედ, ტელეარხმა FX-მა რაიან მერფის საშინელებათა ჟანრის გახმაურებული სერიალის, ამერიკული საშინელებათა ისტორიის, მე-12 სეზონის პირველი თიზერი გაავრცელა. 40-წამიან ვიდეოში სერიალის შემქმნელები მთავარი პერსონაჟების შემსრულებელ მსახიობებს წარმოგვიდგენენ: ემა რობერტსს, კარა დელევინსა და კიმ კარდაშიანს. თუმცა, ამას გარდა, თიზერმა ზოგადი წარმოდგენაც შეგვიქმნა ახალი სეზონის ვიზუალურ მხარესა და ატმოსფეროზე.

AHS-ის ახალი სეზონის სახელწოდება Delicate ("დახვეწილი") არის და ის დანიელ ვალენტინის ჯერ კიდევ გამოუცემელ წიგნს ეფუძნება. ჰელი ფაიფერი კი, რომელსაც პროექტზე აქამდეც უმუშავია, სერიების სცენარის ავტორი და რეჟისორი გახლავთ.

რაც შეეხება კიმ კარდაშიანს — სერიალში ამერიკელი ტელევარსკვლავისა და ბიზნესვუმენის გამოჩენის შესახებ აპრილის თვეში შევიტყვეთ. მაისში გამართულ მეთ გალაზე კი კარდაშიანმა განაცხადა, რომ სერიალში მონაწილეობისთვის მოსამზადებლად სამსახიობო გაკვეთილებსაც გადიოდა.

American Horror Story: Delicate-ის პრემიერა ამ ზაფხულს იგეგმებოდა, თუმცა, ჰოლივუდში მიმდინარე მასშტაბური გაფიცვის გამო, უცნობია, როდის იხილავს მაყურებელი მონატრებული სერიალის ახალ სეზონს.

თუმცა, ამით ყველაფერი როდი მთავრდება — ჯერ კიდევ 2020 წელს გავიგეთ, რომ AHS-ის მე-13 სეზონიც ექნებოდა.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…