რატომ არის მნიშვნელოვანი: ისინი სწორედ ის თანამშრომლები არიან, რომლებიც კინოცენტრში მიმდინარე მოვლენებს აპროტესტებდნენ და კულტურის სამინისტროს მიმართ კრიტიკას დაუფარავად გამოხატავდნენ.

  • კინოცენტრის უკვე ყოფილი თანამშრომელი, ლევან აბდუშელიშვილი ერთ-ერთი იყო ვინც, გაგა ჩხაიძეზე კინოცენტრის განცხადებას გაემიჯნა.

დეტალები: აბდუშელაშვილი გათავისუფლების შესახებ კინემატოგრაფიის ერონული ცენტრის დირექტორის ბრძანებას და პოსტს აქვეყნებს.

  • დოკუმენტის მიხედვით, მასთან შრომითი ხელშეკრულება 13 ივლისიდან შეწყდება.
  • ეს გადაწყვეტილება კი 20 ივნისს შეკრებილ კომისიაზე მიიღეს.
  • საფუძვლად ცენტრის "რეორგანიზაციის/ორგანიზაციული ცვლილებების განხორციელებისა და მართვის ოპტიმიზაციის მიზნით გამოცხადებული რეორგანიზაცია" სახელდება.
  • "რა კომისია? ვინ კომისია? კომისია, ცხადია, არ არის საჯარო და კიდევ უფრო ცხადია, რომ მე არავინ დამკავშირებია/გამსაუბრებია".
  • აბდუშელაშვილი აღნიშნავს, რომ გადაწყვეტილება კარს მიღმა, მასთან გასაუბრების გარეშე მიიღეს.
  • "ხალხო, გამოფხიზლდით და მიხვდებით, ვისთან გვაქვს საქმე! 19:00-ზე კულტურის სამინისტროსთან!"

გარდა ამისა, კინოცენტრიდან გაათავისუფლეს პროტესტის კიდევ ერთი მონაწილე დავით დავითიანი — მიზეზად იგივე სახელდება.

  • "მეც მიმაყოლეს და არამარტო. ვინც დაგტოვეს, ისინიც თუ წამოხვალთ, იქნებ შეგროვდეს მელ გიბსონის ჩამოსაყვანი თანხები", — ასე ეხმაურება ყოფილი თანამშრომელი ცენტრში მიღებულ გადაწყვეტილებას.
  • დღეს 19:00 საათზე კინოს სფეროს წარმომადგენლები კულტურის სამინისტროსთან აქციას გამართავენ.