რატომ არის მნიშვნელოვანი: ეს პირველი შემთხვევა არ არის, რაც მმართველი გუნდი ევროკავშირს "ემუქრება".

  • წინა შემთხვევაში, კანდიდატის სტატუსთან დაკავშირებულ გადაწყვეტილებამდე ღარიბაშვილი ამბობდა, რომ თუ ის "ქვეყნისთვის, ხალხისთვის უსამართლო და შეურაცხმყოფელი იქნებოდა", EU-ს ფარდა ახდიდნენ.
  • "გუნდში მსჯელობის" შემდეგ ეს მალევე გადაიფიქრეს, რაც კობახიძემ იმით ახსნა, რომ ევროკავშირმა ქვეყნის ევროპული პერსპექტივა აღიარა.
  • "როდესაც ევროკავშირი შენკენ დგამს ნაბიჯებს, იქ რაღაც უხერხულობების გამოტანა არ არის მიზანშეწონილი", — ამბობდა ის.

დეტალები: ერთი წლის თავზე "ოცნებამ" რიტორიკა ისევ შეცვალა და ამჯერად ევროკავშირს "კარტების გახსნით" ემუქრებიან.

  • "დეკემბერში თუ კიდევ ერთხელ განმეორდა უსამართლო გადაწყვეტილება, ამ შემთხვევაში, ჩვენ საზოგადოებისთვის მოგვიწევს იმაზე მეტი დეტალის ახსნა, ვიდრე აქამდე ვაკეთებდით".
  • მისი მტკიცებით, აქამდე "რაღაცებს უფრთხილდებოდნენ", ახლა კი დეტალურად ისაუბრებენ იმაზეც, რამ განაპირობა შარშან ივნისში კანდიდატის სტატუსზე უარყოფითი გადაწყვეტილება