პარასკევს, 30 ივნისს, MZESUMZIRA's Cafe ოფიციალურად გაიხსნება. ღონისძიება 17:00 საათიდან დაიწყება და მთელი საღამოს განმავლობაში გაგრძელდება. აღნიშნული კაფე მთაწმინდის პარკში, მუსიკალური ფესტივალის, eZo Festival-ის ტერიტორიაზე გაიხსნება.

ახალი კაფე ვეგეტარიანული იქნება. ორგანიზატორების თქმით, წარმოდგენილი მენიუ ვეგეტარიანული საკვების შესახებ შექმნილ სტერეოტიპებს დაამსხვრევს.

"ვფიქრობთ, რომ ჩვენი მენიუ მოგვცემს საშუალებას ხელი შევუწყოთ ვეგეტარიანული დიეტის შესახებ სტერეოტიპების ნგრევას. როგორიცაა გავრცელებული აზრი, რომ ვეგეტარიანული საკვები არ ანაყრებს, რადგან მას არ გააჩნია საკმარისი კვებითი ღირებულება, ან არ არის სასურველად გემრიელი. ან ის, რომ ვეგეტარიანული საკვები აუცილებლად გულისხმობს ჯანმრთელ კვებას. ჩვენს მენიუში შეხვდებით ე.წ. ჯანქ ფუდსაც და ჯანსაღ საკვებსაც. რაც მთავარია, ყველაფერი იქნება ძალიან გემრიელი", ამბობენ ორგანიზატორები.

ამასთან ერთად, MZESUMZIRA’s Café-ს მნიშვნელობა მხოლოდ კვებით არ შემოიფარგლება. ის იქნება ისეთი ღონისძიებების მასპინძელი, როგორიცაა გამოფენა-გაყიდვები, საჭმელ-სასმელი ბაზრობები, საინტერესო ქართველი ხელოვანების და საზოგადო პირების ვორქშოფები და საჯარო ლექციები, კინო ჩვენებები, არტ პერფორმანსები, იოგა სუფთა ჰაერზე, ბორდ-გეიმ შეკრებები და ა.შ.

MZESUMZIRA’s Café-ს გახსნის საღამოს მუსიკალურად გააფორმებენ:
• Alfreda Stieglitz (Music Selection)
• Gabunia

შეგახსენებთ, რომ MZESUMZIRA's კაფე ხვალ, 17:00 საათზე, მთაწმინდის პარკში გაიხსნება და ღონისძიება ღამის თორმეტ საათამდე გაგრძელდება. დასწრება ნებისმიერი მსურველისთვის თავისუფალია.