ყოველდღიური გამოწვევებითა და პასუხისმგებლობებით, საცობებით, სამსახურით, საქმიანი ურთიერთობებით თუ ათასი წვრილმანით გადაღლილებისთვის 9 ივლისს დაგეგმილი ღონისძიება — 1000 წუთი. სად მიდის ჩვენი დრო? განსაკუთრებით სასიხარულო იქნება.

ღონისძიება ბაზალეთის ტბასთან მდებარე ახალგახსნილ სივრცეში — რელიეფი ბაზალეთზე გაიმართება. სხვადასხვა სფეროს პროფესიონალები — სპორტსმენები, მწერლები, მუსიკოსები, ბიზნესის, ტექნოლოგიებისა და ციფრული სფეროს წარმომადგენლები სტუმრებთან ერთად გადაიაზრებენ თანამედროვე, ციფრულ სამყაროში მცხოვრები ადამიანის გამოწვევებს.

სად მიდის ჩვენი დრო?

დროის უკმარისობით შეწუხებულს, ალბათ, ბევრჯერ გიფიქრია, რამდენად არარეალურია, დღე-ღამეში 24 საათი, რაც, სულ რაღაც, 1440 წუთია, ყველა დეტალის შესასრულებლად გეყოს.

თანაც, არც ძილი უნდა დავივიწყოთ — ყველას გაგვიგია, მათ შორის, მეცნიერების მტკიცება, რომ დღე-ღამეში 8 საათი, ანუ 480 წუთი გამოძინებისთვის უნდა გავიმეტოთ. ამგვარად, სულ 1000 წუთი გვრჩება, რომ მოვასწროთ არაერთი წვრილმანი თუ მნიშვნელოვანი საქმე — უნდა მოვიფიქროთ, რა ჩავიცვათ, ვიდარდოთ საცობებისთვის თავის არიდების გზებზე, სამსახურში დროულად მისვლაზე, ყველა საქმიანი შეტყობინების გაგზავნაზე, შეხვედრებზე, შესვენებებზე შეყვარებულთან, ოჯახის წევრთან, შვილთან თუ მეგობრებთან ურთიერთობის დროც უნდა გამოვნახოთ. მუდმივად ერთი ამბიდან მეორემდე, სამსახურის ერთი ამოცანიდან მეორემდე, მეგობრიდან მეგობრამდე დავრბივართ და ამ პროცესში არც საკუთარი თავი უნდა დავივიწყოთ.

ყოველდღიურ საზრუნავს როგორღაც ვუმკლავდებით და მეორე დღეს იგივე იწყება, მაღვიძარა არ გვაცლის, რომ ცოტა ხნით მაინც დავიმალოთ. ცხოვრება სინათლის სიჩქარით მიდის, ამიტომ აუცილებელია ერთი 1000 წუთი მაინც გაიმეტო საკუთარი თავისთვის და უბრალოდ ყველაფერი გადააფასო.

რა მოხდება რელიეფი ბაზალეთზე 9 ივლისს?

ღონისძიების სივრცე 3 საათზე გაიხსნება — ტბის პირას, ღია ცის ქვეშ საშუალება გექნება, მოისმინო, რა კავშირშია კვება მენტალურ ჯანმრთელობასთან, გაიარო კრივის მასტერკლასი, ისწავლო, როგორ არ აისახოს სტრესული გარემო ჩვენს სახეებზე სახის იოგის დახმარებით, მიიღო რჩევები, როგორ დაგეგმო შვებულება ისე, რომ შვებულებაშიც არ დაიღალო, ჭამო, დალიო ან, უბრალოდ, ჩრდილში წამოწვე და მუსიკას უსმინო.

6 საათიდან სცენა უკვე სპიკერებს დაეთმობა: ზაზა ფაჩულია, შოთა არველაძე, ივა ფეზუაშვილი, მებო ნუცუბიძე, აჩიკო გულედანი, უჩა აბაშიძე, რუსუდან გოცირიძე, და სხვები ისაუბრებენ გამოწვევებზე, რომლის წინაშე ყველა ჩვენგანი დგას — დროის მუდმივი დეფიციტი, ემოციური გამოფიტვა, სტრესი, შფოთვის მაღალი ხარისხი, ვალდებულებებისა და პასუხისმგებლობის ტვირთი ანუ ის თემები, რაც ხშირად ყველას გვაწუხებს, მაგრამ იშვიათად თუ ვუფიქრდებით და კიდევ უფრო იშვიათად განვიხილავთ ხმამაღლა.

დამატებითი დეტალებისა და დღის წესრიგის გასაგებად ეწვიე Facebook ღონისძიების გვერდს. ბილეთების შეძენა შეგიძლია აღნიშნულ ბმულზე.

ღონისძიების პარტნიორები არიან: Demlab, Studio 54, ნორვეგიის საელჩო, UNDP, Setanta Sports, SMH Sports, ალმა, Cavea +, apeople, Marketing Hub, Greenish Studio, Heima Production, ფავორიტი, კოლორ ჯგუფი, ჰოლოგრაფ ჰაბი, სულაკაურის გამომცემლობა, Gepherrini, BCA Healthy Club, Fitpass, ნაბეღლავი, St Remy, Monkey Shoulder, ტაატი, იულიუსი, Redbull, IZIPIZI, Giggles, ბალიში, კავკასიის საერთაშორისო უნივერსიტეტი, ბარამბო, Delfy, TKT.ge.

ღონისძიების საინფორმაციო მხარდამჭერები არიან: On.ge, Business Insider Georgia, საინფორმაციო პორტალი ambebi.ge, Marketer.ge, BMG, Entrepreneur Georgia, Diary და ახალგაზრდული პლატფორმა imitom.ge

ეს არ არის ღონისძიება, სადაც ყოფნა უნდა მოასწრო. ეს არის ღონისძიება, სადაც უნდა იყო.