ჩემი ცოლის დაქალების ტელეეკრანებზე სულ რამდენიმე დღეში ბრუნდება. პოპულარული ქართული სერიალის ახალი, მე-19 სეზონის პრემიერა ფორმულას ეთერში 7 ივლისს შედგება.

მანამდე კი, შეგვიძლია ახალი სეზონიდან პატარ-პატარა ვიდეოებით დავტკბეთ. ერთ-ერთ თიზერში ყველასთვის საყვარელი პერსონაჟი, შაგუ მადლიანი გამოჩნდა, რომელსაც სოფელში მამლის ყივილი აღვიძებს. რატომ დატოვა შავლეგომ ქალაქი, ამას ვიდეოში ვერ ვხედავთ. ამჯერად, ჩცდ-ის ახალი სეზონის კიდევ ერთი თიზერი გავრცელდა, რომელშიც ვხედავთ, რომ გოცირიძეები, რომლებმაც ბინა გამოიცვალეს, ახალი მეზობლების გაცნობას იწყებენ. ერთ-ერთს დათო ლიფტთან ხვდება და სავახშმოდაც პატიჟებს. როგორც ჩანს, წინ საინტერესო პერსონაჟებსა და ისტორიებს უნდა ველოდოთ.

ჩცდ-ის ამ დროისთვის ბოლო, მე-18 სეზონი გასული წლის ივლისში დასრულდა. მას შემდეგ სერიალის ბედი გაურკვეველი იყო. თუმცა, რამდენიმე კვირის წინ ფორმულას გენერალურმა დირექტორმა ზუკა გუმბარიძემ სერიალის დაბრუნება დააანონსა, მალევე კი ჩცდ-ის პროდიუსერისა და შემოქმედებითი გუნდისგან ახალი სეზონის შესახებ მნიშვნელოვანი სიახლეებიც შევიტყვეთ.

ფორმულა კრეატივის შექმნილი ჩცდ მაყურებელმა პირველად 2011 წელს იხილა. ის თავდაპირველად რუსთავი 2-ზე გადიოდა, მოგვიანებით კი, 2019 წელს, სერიალის შემქმნელების დაფუძნებულ ახალ არხზე, ფორმულაზე, გადაინაცვლა.

რაც შეეხება სერიალის მე-19 სეზონს, მის ახალ სერიებს ყოველ პარასკევსა და შაბათს, საღამოს 10 საათზე ვიხილავთ.

ამავე თემაზე:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…