რა ხდება რუსეთში: გუშინ ვაგნერის ხელმძღვანელმა, ევგენი პრიგოჟინმა განაცხადა, რომ მათი პოზიციები დაბომბა რუსული არმიის დანაყოფებმა ზურგიდან დაბომბეს, ამიტომ 25 000-იანი ჯგუფით შურისძიება დააანონსა.

  • ტრადიციულად, რუსეთის თავდაცვამ ამას ტყუილი და პროვოკაცია უწოდა მის წინააღმდეგ კი აღიძრა საქმე შეიარაღებული აჯანყებისკენ მოწოდებაზე.
  • თავად პრიგოჟინი ამბობდა, რომ "ეს არ არის სამხედრო გადატრიალება, ეს არის სამართლიანობის მარში".
  • გვიან ღამით მან განაცხადა, რომ ვაგნერელებმა რუსეთის საზღვარი ყველა ადგილას გადაკვეთეს და როსტოვში შედიან, დილას კი თქვა, რომ როსტოვში ყველა სამხედრო პუნქტს აკონტროლებენ და მოსკოვისკენ მიდიან.
  • მოსკოვში, მოსკოვისა და ვორონეჟის ოლქებში კონტრტერორისტული ოპერაციის რეჟიმი ამოქმედდა.
  • პუტინმა ვიდეომიმართვა გაავრცელა და ვაგნერზე და პრიგოჟინზე საუბრისას გამოიყენა სიტყვები — ზურგში დარტყმა, ღალატი, არასწორი ამბიციები.
  • ისაუბრა ერთიანობის აუცილებლობასა და მოსალოდნელ მკაცრ სასჯელზეც და მათ დანებებისკენ მოუწოდა.
  • პრიგოჟინმა განაცხადა, რომ პუტინი ძალიან ცდება, როცა სამშობლოს ღალატზე საუბრობს და ისინი დანებებას არ აპირებენ.

რას ამბობს ზელენსკი: უკრაინის პრეზიდენტმა მიმდინარე მოვლენები უყურადღებოდ არ დატოვა და ხაზგასმით აღნიშნა, რომ ყველა, ვინც ბოროტების გზას ირჩევს, საკუთარ თავს ანადგურებს.

  • "ვინც აგზავნის ჯარისკაცების კოლონებს, რათა გაანადგურონ სხვა ქვეყნის სიცოცხლე და ვერ აჩერებს მათ გაქცევას და ღალატს. ვინ რაკეტებით ატერორებს და როცა მათ ანადგურებენ, თავს იმცირებს, რომ "შაჰედები" მისცენ. ის აბუჩად იგდებს ხალხს და ასიათასს უშვებს ომში, რათა საბოლოოდ მოსკოვის რეგიონში ბარიკადები ჩადგას მათ წინააღმდეგ, ვინც თავად შეაიარაღა", — განაცხადა ზელენსკიმ.
  • პრეზიდენტი აღნიშნავას, რომ რუსეთი დიდი ხნის განმავლობაში იყენებდა პროპაგანდას თავისი სისუსტის და ხელისუფლების სისულელეების დასაფარად, ახლა კი იმდენი ქაოსია, რომ ვერცერთი ტყუილი ამას ვერ მალავს.
  • "რუსეთის სისუსტე აშკარაა. სრულმასშტაბიანი სისუსტე. და რაც უფრო დიდხანს დატოვებს რუსეთი თავის ჯარს და დაქირავებულებს ჩვენს მიწაზე, მით მეტი ქაოსი, ტკივილი და პრობლემები ექნება მას მოგვიანებით. ეს ასევე აშკარაა. უკრაინას შეუძლია დაიცვას ევროპა რუსული ბოროტებისა და ქაოსისგან", — განაცხადა მან.
  • დასასრულს ზელენსკი ამბობს, რომ უკრაინა ინარჩუნებს სიმტკიცეს, ერთიანობას და ძალას.
  • "ყველა ჩვენმა მეთაურმა, ყველა ჩვენმა ჯარისკაცმა იცის რა უნდა გააკეთოს. დიდება უკრაინას!"