ვოლსკი შეწყალებაზე: დამძიმდა უღირსი ტვირთი, რომელიც რისკიანად მოიკიდა ზურაბიშვილმა

23 Jun. 2023, 01:40

დამძიმდა ის უღირსი ტვირთი, რომელიც ბოლო პერიოდში საკმაოდ რისკიანად მოიკიდა სალომე ზურაბიშვილმა. ასეთი არაობიექტურობის, უსამართლობის, არასწორი შეფასებების კორიანტელი დააყენა, როდესაც ლაპარაკობდა რუსულ ორბიტაზე გასულ ქართულ ხელისუფლებასთან დაკავშირებით ამდენი სტუმრების და ახალწვეულების და სხვა სამხედრო პირების თანდასწრებით. შემდეგ კიდევ იყო საშინელი განცხადებები ამასთან დაკავშირებით აბსოლუტურად უსაფუძვლოდ და შემდეგ კიდევ ეროვნული ბანკის თემაზე ეს აბსოლუტურად გაუგონარი ვეტო. [...]

მე ვფიქრობ, რომ ეს გადაწყვეტილებაც საკმაოდ მძიმედ აისახება მის პოლიტიკურ ბიოგრაფიაზე. ზოგადად, საზოგადოებას ეს ვერაფერს დააკლებს, მაგრამ განცდა ამ რაღაც შესაძლო კონსპირაციის, რომ თითქოს შუალედურ შეფასებაში ეწერა, რომ მედია გარემო არის მძიმე და ერთადერთი უარყოფითი შეფასება ეს იყო, მეორე დღეს უცებ ან იმავე დღეს ასეთი გადაწყვეტილების მიღება აუხსნელად უსამართლობის განცდას ტოვებს საზოგადოების დიდ ნაწილში. იმიტომ, რომ დანაშაული რეალურად ჩადენილია და ასეთი დამოკიდებულება საზოგადოების მიმართ, რომელმაც ზუსტად იცის, დანაშაული რა არის, რა შემადგენლობის დანაშაულია და იმათმაც ზუსტად იციან, ვინც ჩაიდინა, მაგრამ მიაჩნიათ, რომ სწორი გადაწყვეტილება მიიღეს რუსთავი 2-ის 7 მილიონით გაძარცვასთან დაკავშირებით. ამ ვითარებაში არც გამოდიხარ, არც ხსნი და საზოგადოებას, პრინციპში, არაფრად მიიჩნევ, მასად, რომელმაც უნდა გაიგოს, უნდა არ გაიგოს. დამამცირებელი პოზიციაა, გარდა უსამართლობისაა. არაა ეს ევროპული მომავლის მხარდაჭერა, ვინაიდან ზუსტად ვიცით, რომ ევროპულმა სასამართლომ დაადგინა, რომ რუსთავი 2, რომელსაც ხელმძღვანელობდა ეს კონკრეტული პიროვნება და პიროვნებების ჯგუფი იყო მიტაცებული.

ბოლო ამბები:

გია ვოლსკი ვოლსკი შეწყალებაზე: დამძიმდა უღირსი ტვირთი, რომელიც რისკიანად მოიკიდა ზურაბიშვილმა

კომენტარები

კვირის ტოპ-5

გირჩევთ

ახლა კითხულობენ

ჩინეთმა კოსმოსში ადამიანის "ხელოვნური ემბრიონები" გაგზავნა